வீடு கட்ட ஆன்லைனில் விண்ணப்பிக்க முடியவில்லை: சென்னை புறநகர் மக்கள் தவிப்பு

சென்னை, ஆவடி, தாம்​பரம் மாநக​ராட்சி பகுதி​களில் வீடு கட்டு​வதற்கு கட்டிட வரைபட அனும​திக்கு ஆன்லைன் முறை​யில் விண்​ணப்​பித்​தால், ஒரு மாதத்​துக்​குள் வரைபட அனுமதி கிடைக்​கிறது. இதேபோல பொன்னேரி, திருநின்ற​வூர், திரு​வேற்​காடு, பூந்​தமல்லி, மாங்​காடு, குன்​றத்​தூர், கூடு​வாஞ்​சேரி, மறைமலைநகர் உள்ளிட்ட நகராட்சி பகுதி​களில் வீடு கட்டு​வதற்கு ஆன்லைனில் விண்​ணப்பம் செய்​தால், ஒரு மாதத்​துக்​குள் அனுமதி கிடைத்து விடு​கிறது.

இதேபோன்று, சென்னை புறநகரில் உள்ள ஊராட்சி பகுதி​களில் வீடு கட்டு​வதற்கு, வரைபட அனும​திக்கு ஊராட்சி ஒன்றிய அலுவல​கங்​களில் ஆன்லைனில் விண்​ணப்​பிக்க வேண்​டும் என சென்னை பெருநகர வளர்ச்​சிக் குழுமம் அறிவித்​தது. இதனால் நேரிடையாக கொடுக்​கப்​பட்ட விண்​ணப்​பங்கள் கடந்த 5 மாதங்​களாக நிறுத்​திவைக்​கப்​பட்​டுள்ளன.

இந்நிலை​யில், ஊராட்சி பகுதி​களில் பொது​மக்கள் வீடு கட்டு​வதற்கு வரைபட அனும​திக்கு ஆன்லைன் முறை​யில் விண்​ணப்பம் செய்ய முயன்​றால், சென்னை பெருநகர வளர்ச்​சி குழுமம் சாப்ட்​வேர் ஊராட்சி ஒன்றிய அலுவல​கங்​களில் இணைக்​கப்பட வில்லை. இதனால் ஆன்லைனில் விண்​ணப்​பிக்க முடி​யாமல் அவதிப்​படு​கின்​றனர்.

இதனால் உள்ளாட்சி அமைப்புகள் மற்றும் சென்னை பெருநகர வளர்ச்சி குழு​மத்​துக்கு கோடிக்​கணக்கில் வருவாய் இழப்பு ஏற்பட்டு உள்ளது. பூந்​தமல்லி, குன்​றத்​தூர், புனித தோமை​யார் மலை, காட்​டாங்​கொளத்​தூர், வில்​லிவாக்​கம், புழல், சோழவரம், மீஞ்​சூர் உள்ளிட்ட ஊராட்சி ஒன்றி​யங்​களில் தினம்​தினம் பொது​மக்கள் வருகை தந்து எப்போது ஆன்லைனில் விண்​ணப்பம் செய்ய முடி​யும் என கேட்டு வருகின்​றனர்.

முதல்வர் ஸ்டா​லின் கடந்த சில மாதங்​களுக்கு முன்பு ஒரு அறிவிப்பு வெளி​யிட்டு இருந்​தார். அதன்படி பொது​மக்கள் மாநக​ராட்சி, நகராட்சி, பேரூராட்சி, ஊராட்சி பகுதி​களில் தரைத் தளம், முதல் தளம் வீடு கட்டு​வதற்கு கட்டிட வரைபட அனும​திக்கு ஆன்லைன் விண்​ணப்பம் செய்து கட்டிட வரைபட அனுமதி பெற்று கொள்​ளலாம் என அறிவித்​தார்.

இத்திட்​டத்​தின்படி மாநக​ராட்சி, நகராட்சி பகுதி மக்கள் பயன் அடைந்து வருகின்​றனர். ஆனால் ஊராட்சி பகுதி மக்கள் ஆன்லைனில் விண்​ணப்​பிக்க முடி​யாத​தால் மிகவும் அவதிப்​பட்டு வருகின்​றனர். வீடு கட்டு​வதற்கான அனுமதி கிடைக்​காமல், பல நூற்றுக்​கணக்கான விண்​ணப்​பங்கள் தேங்​கிக் கிடக்​கின்றன.

இதனால், கட்டிடம் கட்ட முடி​யாமல் தவிப்​பவர்​களிடம் உள்ளூர் அரசியல் பிரமுகர்கள் பணம் வசூலித்து, காரி​யத்தை முடித்து கொடுப்​ப​தாக​வும் குற்​றச்​சாட்டு எழுந்​துள்ளது. எனவே, சென்னை பெரு நகர வளர்ச்​சி குழு​மம் உடனடி​யாக, கட்டிட அனு​ம​திக்கு ஆன்​லைனில் ​விண்​ணப்​பிக்க வழிவகை செய்ய வேண்​டும் என பொது​மக்​கள் வலி​யுறு​த்​துகின்​றனர்​.