முடிதிருத்தும் கட்டணம் ரூ.10 உயர்வு: பெரு நிறுவனங்களும் பின்பற்ற வேண்டுகோள்

சென்னை: தமிழ்​நாடு பாரம்​பரிய மருத்​துவர் சமூகம் மற்றும் முடி​திருத்​தும் தொழிலா​ளர்கள் சங்கத்​தின் நிர்​வாகக் கூட்டம் சென்னை​யில் நடைபெற்​றது. இதில் சங்கத்​தின் மாநிலத் தலைவர் ப.நட​ராஜன் பாரதி​தாஸ், செயலாளர் கே.செல்​லப்​பன், பொருளாளர் டி.சர​வணன், ஒருங்​கிணைப்​பாளர் எஸ்.ஜெய்​சங்​கர், அமைப்புச் செயலாளர் பி.சுரேஷ் உள்ளிட்​டோர் பங்கேற்​றனர்.

அதில் கடை வாடகை, மின் கட்டணம் உள்ளிட்​ட​வற்றின் உயர்வு குறித்து விவா​திக்​கப்​பட்​டது. இதையடுத்து, தமிழகம் முழு​வதும் முடி​திருத்​துதல் உள்ளிட்​ட​வற்றுக்கான குறைந்​த​பட்ச கட்ட​ணத்​தில் ரூ.10 உயர்த்த முடிவு செய்​யப்​பட்​டது.

இது தொடர்பாக மாநிலத் தலைவர் ப.நட​ராஜன் பாரதி​தாஸ் கூறும்​போது, “முடி திருத்​துதல் உள்ளிட்ட பணிகளுக்கான குறைந்​த​பட்சக் கட்டணம் உயர்த்​தப்​பட்​டுள்​ளது. அதேநேரம், முடி​திருத்​தும் நிலையம் வைத்​துள்ள கார்ப்​பரேட் உள்ளிட்ட பெரு நிறு​வனங்கள் சேவிங் ரூ.49, கட்டிங் ரூ.99 என கட்டணம் நிர்​ண​யித்து சாதாரண தொழிலா​ளர்​களின் வாழ்​வா​தா​ரத்​தைப்பாதிக்​கும் வகையில் செயல்​படு​கின்​றனர்.

அவர்​களும் திருத்​தப்​பட்ட விலை பட்டியலின்​படி, சேவிங் ரூ.60, கட்டிங் ரூ.120, கட்டிங், சேவிங் ரூ.180, சிறுவர் கட்டிங் ரூ.100 என்பதை குறைந்​த​பட்சக் கட்ட​ணமாக வசூலிக்க வேண்​டும்.இதிலிருந்து ரூ.10 அதிகரித்து ஏசி உள்ள கடைகள் வசூலித்​துக் கொள்​ளலாம். இந்த கட்ட​ணத்தை புறக்​கணிக்​கும் பட்சத்​தில் அனைத்து தொழிற் ​சங்க தலைவர்​களுடன் ஆலோசித்து ​விரை​வில் தமிழகம் தழுவிய கவன ஈர்ப்பு போராட்​டம் நடத்து​வோம்” என்​றார்​.