கேரளாவில் இருந்து கொண்டு​ வரப்பட்டு நெல்லை அருகே கொட்டப்​பட்ட மருத்துவ கழிவுகள்: பொதுமக்கள் அதிர்ச்சி

திருநெல்​வேலி/ நாகர்​கோ​வில்: கேரள மாநிலத்​தில் இருந்து அபாயகரமான மருத்​துவக் கழிவுகளை வாகனத்​தில் கொண்டு வந்து நெல்லை அருகே​யுள்ள நீர்​நிலைகளில் கொட்​டியது மக்களிடையே அதிர்ச்​சியை ஏற்படுத்​தி​யுள்​ளது.

திரு​வனந்​த​புரத்​தில் உள்ள மண்டல புற்று நோய் மையத்​திலிருந்து வாகனத்​தில் கொண்டு​வரப்​பட்ட அபாயகரமான மருத்​துவக் கழிவு​கள், நெல்லை மாவட்டம் நடுக்​கல்​லூர், கோடகநல்​லூர் பகுதி​களில் உள்ள நீர் நிலைகளில் கொட்​டப்​பட்​டுள்ளன.

மேலும், கழிவுகள் அடங்கிய மூட்​டைகளில், புற்று​நோய் மையத்​தில் அனும​திக்​கப்​பட்ட நோயாளி​களின் விவரங்கள் அடங்கிய படிவங்​களும் இருந்தன. இது தொடர்பான காட்​சிகள் சமூக வலைதளங்​களில் பரவி அதிர்ச்​சியை ஏற்படுத்​தின.

3 பிரிவு​களில் வழக்கு: மருத்துவக் கழிவுகளை கொட்டி நீர்​நிலைகள் மற்றும் வயல்​வெளிகளை மாசுபடுத்தி உள்ளதாக சுத்​தமல்லி போலீ​ஸில், பழவூர் கிராம நிர்வாக அலுவலர் மற்றும் மருத்​துவக் கழிவுகள் கொட்​டப்​பட்​டுள்ள தனியார் இடத்​தின் மேற்​பார்​வை​யாளர் புகார் செய்​தனர். இதையடுத்து, போலீ​ஸார் 3 பிரிவு​களில் வழக்கு பதிவு செய்து, விசாரணை மேற்​கொண்டு வருகின்​றனர்.

இந்த விவகாரம் தொடர்பாக நெல்லை ஆட்சியர் கா.ப.​கார்த்தி​கேயன் நேற்று வெளி​யிட்​டுள்ள அறிக்கை​யில், “கோடகநல்​லூர் பகுதி​யில் மருத்​துவக் கழிவுகள் கொட்​டப்​பட்​டுள்ளது தொடர்​பாக, சுற்றுச்​சூழல் பாது​காப்பு சட்டத்​தின் கீழ் வழக்கு பதிவு செய்​யப்​பட்டு, விசாரணை நடத்​தப்​பட்டு வருகிறது. தமிழ்​நாடு மாசு கட்டுப்​பாட்டு வாரியம் மற்றும் ஊரக வளர்ச்​சித் துறை மூலம் மருத்​துவக் கழிவுகளை ஆய்வுக்கு உட்படுத்​திட​வும், அவற்றை தகுந்த முறையில் அகற்​ற​வும்
நடவடிக்கை எடுக்​கப்​பட்டு வருகிறது. மருத்​துவக் கழிவுகளை பொது இடங்​களில் கொட்​டக்​கூடாது என்று அறிவிப்பு வெளி​யிடப்​பட்ட நிலை​யில், இது போன்ற செயலில் ஈடுபட்​ட​வர்கள் மீது கடும் நடவடிக்கை மேற்​கொள்​ளப்​படும்” என்று தெரி​வித்​துள்ளார்.

கன்னி​யாகுமரி​யிலும்... குமரி - கேரள எல்லையான நெட்டா சோதனைச் சாவடி​யில் நேற்று போலீ​ஸார் வாகன சோதனை​யில் ஈடுபட்​டனர். அப்போது, அவ்வழியாக வந்த மினிடெம்​போவை நிறுத்தி சோதனையிட்​ட​தில், அதில் உணவுக் கழிவுகள் இருப்பது தெரிய​வந்​தது. இதையடுத்து, அந்த வாகனத்தை பறிமுதல் செய்த போலீ​ஸார், ஓட்டுநர் தக்கலை சுதிஷ் (24), டெம்போ உரிமை​யாளர் அஜித் (27) ஆகியோரை கைது செய்து, பின்னர் ஜாமீனில் விடு​வித்​தனர்.

அண்ணாமலை கண்டனம்: பாஜக மாநிலத் தலைவர் அண்ணாமலை தனது சமூக வலைதளப் பக்கத்​தில், “கேரளா​வின் பயோமெடிக்​கல், பிளாஸ்​டிக், இறைச்​சிக் கழிவு​களின் குப்​பைக் கிடங்காக தென் மாவட்​டங்கள் மாற்​றப்​பட்​டிருக்​கின்றன. இதுகுறித்து பலமுறை புகார் அளித்​தும், எந்த நடவடிக்கை​யும் எடுக்​கப்​பட​வில்லை. வரும் ஜனவரி முதல் வாரத்​தில் மக்களைத் திரட்டி, உயிரியல் மருத்​துவக் கழிவுகள் மற்றும் குப்​பையை லாரி​களில் ஏற்றிச் சென்று, கேரளா​வில் கொண்டு கொட்டு​வோம். முதல் லாரி​யில் நானும் செல்​வேன்” என்று தெரி​வித்​துள்ளார்.

இதேபோல, அமமுக பொதுச் செயலாளர் டிடி​வி.​தினகரன் வெளி​யிட்​டுள்ள அறிக்கை​யில், “சுற்றுச்​சூழலுக்​கும், சுகா​தா​ரத்​துக்​கும் கேடு விளைவிக்​கும் வகையில் மருத்​துவக் கழிவுகளை தமிழகத்​தில் கொட்டும் கேரள அரசுக்கு கடும் கண்டனம் தெரி​வித்​துக் ​கொள்​கிறோம். இது​போன்ற செயல்​களில் ஈடு​படு​வோர் மீது கடும் நட​வடிக்கை எடுக்க வேண்​டும்” என்று தெரி​வித்​துள்ளார்.