வாழும்போதே கலைஞர்கள் கவுரவிக்கப்பட வேண்டும் - மியூசிக் அகாடமி 98-வது இசை விழாவில் ஒடிசா ஐகோர்ட் முன்னாள் தலைமை நீதிபதி

சென்னை: சென்னை மியூசிக் அகாட​மி​யின் 98-வது இசை விழா நேற்று தொடங்​கியது. தொடக்க விழா​வில் ஒடிசா உயர் நீதி​மன்ற முன்​னாள் தலைமை நீதிபதி எஸ்.​முரளிதர் சிறப்பு விருந்​தினராக கலந்​து​கொண்டு, குத்து​விளக்​கேற்றி விழாவை தொடங்கி​வைத்​தார்.

மியூசிக் அகாட​மி​யின் சங்கீத கலாநிதி விருதுக்கு தேர்வு செய்​யப்​பட்​டிருக்​கும் டி.எம்​.கிருஷ்ணாவுக்கு, ‘தி இந்து’ குழுமம் வழங்​கும் 1 லட்ச ரூபாய் பணமுடிப்புடன் கூடிய சங்கீத கலாநிதி எம்.எஸ்​.சுப்பு​லட்​சுமி விருதை அளித்து சிறப்புரை ஆற்றினார்.

விழா​வில் அவர் பேசி​ய​தாவது: கலைஞர்​கள், அவர்கள் வாழும் காலத்​திலேயே கொண்​டாடப்பட வேண்​டும், கவுரவிக்​கப்பட வேண்​டும். மாபெரும் நகைச்​சுவை மன்னனாக இன்று கொண்​டாடப்​படும் சார்லி சாப்​ளின், வாழும் காலத்​தில் கொண்​டாடப்​பட​வில்லை.

இங்கும் வீணை தனம்​மாள், நாகசுர சக்கர​வர்த்தி டி.என்​.ராஜரத்​னம், புல்​லாங்​குழல் மாலி, எம்.டி.ராம​நாதன், வீணை எஸ்.பாலசந்​தர், லால்​குடி ஜெயராமன் உள்ளிட்​ட​வர்கள் அவர்கள் வாழும் காலத்​தில் கவுரவிக்​கப்​பட​வில்லை. அந்த பட்டியலில் டி.எம்​. கிருஷ்ணாவை​யும் சேர்க்​காமல், சங்கீத கலாநிதி விருதுக்கு அவரை தேர்ந்​தெடுத்​ததற்கு மியூசிக் அகாட​மிக்கு நன்றி. இவ்வாறு அவர் பேசினார்.

டி.எம்​.கிருஷ்ணா தனது ஏற்புரை​யில், “தி இந்து குழுமம் வழங்கி​யிருக்​கும் ‘சங்கீத கலாநிதி எம்.எஸ்​.சுப்பு​லட்​சுமி விருது’, அங்கீகாரம் தரக்கூடிய ஒரு விருது என்பதை தாண்டி எனக்கு கிடைத்​திருக்​கும் அவரது ஆசியாக கருதுகிறேன். இந்த விருது எனது பொறுப்பு​ணர்வை இன்னும் அதிகரிக்​கும்” என்றார். மியூசிக் அகாட​மி​யின் ஆண்டு மலரை நீதிபதி எஸ்.​முரளிதர் வெளி​யிட, டி.எம்​.கிருஷ்ணா பெற்றுக்​கொண்​டார்.

முன்னதாக வரவேற்​புரை ஆற்றிய மியூசிக் அகாடமி தலைவர் என்.​முரளி பேசி​ய​தாவது:மக்களுக்கு பலன் அளிக்​கும் பல தீர்ப்புகளை வழங்​கியவர் நீதிபதி எஸ்.​முரளிதர். இந்த ஆண்டுக்கான மியூசிக் அகாட​மி​யின் சங்கீத கலாநிதி விருதை 2025 ஜனவரி 1-ம் தேதி டி.எம்​. கிருஷ்ணா பெறு​வார்.

80 இசை நிகழ்ச்​சிகள்: சங்கீத கலா ஆச்சார்யா விருதை பிரபல மிருதங்க வித்​வான் பாறசாலா ரவி, விதூஷி கீதாராஜா பெறு​வார்​கள். டிடிகே விருதை, திரு​வை​யாறு சகோதரர்​களான பாகவதர்கள் எஸ்.நரசிம்​மன், எஸ்.வெங்​கடேசன், வயலின் வித்​வான் ஹெச்​.கே.நரசிம்​மமூர்த்தி பெறுகின்​றனர். இசை அறிஞர் விருதை டாக்டர் மார்​கரெட் பாஸ்​டின் பெறுகிறார்.

இந்த ஆண்டு மார்கழி இசை விழா​வில் 80 இசை நிகழ்ச்​சிகள் நடைபெற உள்ளன. மோகினி ஆட்டக் கலைஞர் டாக்டர் நீனா பிரசாத் இந்த ஆண்டுக்கான நிருத்ய கலாநிதி விருதை ஜனவரி 3-ல் தொடங்​கும் மியூசிக் அகாட​மி​யின் 18-வது நாட்டிய விழா​வில் பெற உள்ளார். நாட்டிய விழா ஜனவரி 9 வரை நடை​பெறும். இவ்​வாறு அவர் பேசினார். மியூசிக் அ​காடமி செய​லா​ளர் மீனாட்சி, நிகழ்ச்​சியை தொகுத்து வழங்​கினார். செய​லா​ளர் ​வி.ஸ்ரீகாந்த் நன்​றி​யுரை வழங்​கினார்​.