24 வகையான சைபர் குற்றங்களை தடுக்க நடவடிக்கை: விழிப்புணர்வு ஏற்படுத்த புதிய செயலிகளை உருவாக்க மத்திய அரசு முடிவு

சென்னை: சைபர் குற்​றங்களை தடுக்​கும் நடவடிக்கை​யின் ஒருபகு​தியாக புதிய செயலிகள உருவாக்கி விழிப்பு​ணர்வு ஏற்படுத்​தும் பணியில் மத்திய அரசு ஈடுபட்​டுள்​ளது. இதன்படி நம்பகத்​தன்​மையற்ற சீனா​வின் 'ட்ரூ காலர்' எனும் செயலிக்​குப் பதிலாக புதிய செயலியை அரசு உருவாக்கி​யுள்​ளது. இதன்​ மூலம் சைபர் குற்​றங்​களைக் கட்டுப்​படுத்து​வ​தில் மத்திய அரசு தீவிரம் காட்டி வருகிறது.

நாடு முழு​வதும் செல்​போன் மூலம் நடத்​தப்​படும் சைபர் தாக்​குதல்கள் கடுமையாக இருந்​தா​லும் பெரும்​பாலான குற்​றங்கள் காவல்​துறை​யின் கவனத்​துக்கு கூட வருவ​தில்லை. பாலியல் ரீதி யான துன்​புறுத்​தல்கள் உட்பட சைபர் தாக்​குதலில் மாட்​டிக் கொண்டதை பலர் வெளியே சொல்​லாததே இதற்கு காரணம். இதுகுறித்து தேசிய இணைய பாது​காப்பு ஆராய்ச்​சிக் கவுன்​சில் (என்​.சி.எஸ்​.ஆர்​.சி) இயக்​குநர் இ.காளிராஜ் கூறியதாவது:

டிஜிட்டல் மூலமாக பணம் பறிப்பு, பாலியல் துன்​புறுத்​தல்​கள், பெண்கள் மற்றும் குழந்தை​களுக்கு எதிரான குற்​றங்​கள், சட்ட​ விரோத பணப் பரிமாற்​றம், போதைப் பொருட்​களின் பார்சல் வந்திருப்​ப​தாகக் கூறி நூதன மோசடி உட்பட 24 வகையான சைபர் குற்​றங்களை மத்திய அரசு பட்டியலிட்​டுள்​ளது. இத்தகைய தாக்​குதலுக்கு ஆளாகும்​போது National Cyber Crime Reporting Portal-ல் அல்லது 1930 என்ற எண்ணில் உடனடியாக புகார் தெரிவிக்க வேண்​டும்.

இந்த போர்ட்​டலில் 24 வகையான சைபர் குற்​றங்​களின் தன்மை விரிவாக விளக்​கப்​பட்​டுள்​ளது. மின்னணு வர்த்​தகம் செய்​யும் நிறு​வனங்​களில் இருந்து உங்கள் வாட்ஸ் அப்புக்கு லிங்க் வரும், அவை பெரும்​பாலும் போலி​யானவை. உடனே அதை கிளிக் செய்து உள்ளே போய்​விட்​டால் உங்களது அனைத்து விவரங்​களும் சைபர் கிரிமினல்கள் கைக்குப் போய்​விடும். அதில் கவனமாக இருக்க வேண்​டும்.

உங்களது செல்​போன் தொலைந்​து​விட்​டால் அதை எடுத்து யாரும் தவறாகப் பயன்​படுத்​தாமல் இருப்​ப​தற்கு மத்திய அரசின் Central Equipment Identity Register - CIER என்ற போர்ட்​டலில் உங்களது செல்​போன் ஐஇஎம்ஐ எண்ணை உடனே பதிவு செய்ய வேண்​டும். அதையடுத்து அந்த நம்பர் தீவிரமாக கண்காணிக்​கப்​படும். யாராவது தவறாக பயன்​படுத்து​வதும் தடுக்​கப்​படும்.

அதுபோல மத்திய தொலைத் தொடர்​புத் துறை​யின் மற்றொரு போர்ட்​டலான sanchar saathi.gov.in-ல் உங்களது ஆதார் எண்ணைப் பதிவு செய்​தால் உங்களது பெயரில் எத்தனை ‘சிம்’ கார்​டுகள் உள்ளன. அவற்றின் தற்போதைய நிலை என்ன என்று தெரிந்து கொள்​ளலாம். அதில் தேவை​யில்லாத ‘சிம்​’​கார்​டுகளை செயலிழக்கச் செய்ய வேண்​டு​மானால் அது குறித்து மேற்​கண்ட போர்ட்​டலில் பதிவிட வேண்​டும். அடுத்த ஒரு வாரத்​துக்​குள் செயலிழக்கச் செய்​யப்​படும்.

சீனாவைச் சேர்ந்த `ட்ரூ காலர்' எனும் செயலி​யில் இடும் பதிவுகள் அனைவ​ராலும் பார்க்​கும் ​வகை​யில் உள்ளது. அது மிகவும் ஆபத்தானது. இதிலிருந்து மக்களைப் பாது​காக்க மத்திய அரசு, Introduction of Calling Name Presentation - CNAP என்ற செயலியை மகாராஷ்டிரா, ஹரியானா மாநிலங்​களில் சோதனை அடிப்​படை​யில் செயல்​படுத்தி வரு​கிறது. ​விரை​வில் நாடு ​ முழு​வதும் பயன்​பாட்டுக்கு வரும் இந்த செயலியைப் பயன்​படுத்தனால் ​போலி அழைப்புகளிலிருந்து நிச்​ச​யம் தப்​பிக்​கலாம். இவ்​வாறு ​காளிராஜ் தெரி​வித்​தார்​.