சென்னை மாநக​ராட்​சி​ பராமரிப்பில் உள்ள 871 பூங்​காக்கள் இன்று திறப்பு

சென்னை: சென்னை மாநக​ராட்சி பூங்​காக்​களில் தீவிர தூய்​மைப் பணிகள் முடிவடைந்த நிலை​யில், 871 பூங்​காக்​களும் இன்று (டிச.3) திறக்​கப்​படும் என தெரிவிக்​கப்​பட்​டுள்​ளது. சென்னை மாநக​ராட்சி ஆணையர் ஜெ.குமரகுருபரன் வெளி​யிட்ட செய்திக்குறிப்பில் கூறி​யிருப்​ப​தாவது: கடந்த நவ. 29, 30 ஆகிய தேதி​களில் கனமழை பெய்​ததன் காரணமாக சென்னை​யில் 341 இடங்​களில் மழைநீர் தேங்​கியது. நேற்று காலை நிலவரப்படி பெரும்​பாலான இடங்​களில் மழைநீர் வெளி​யேற்​றப்​பட்​டது.

அரும்​பாக்கம் பாஞ்​சாலி​யம்மன் கோயில் தெரு, இந்திரா காந்தி தெரு, கோடம்​பாக்கம் பட்டேல் தெரு, சோழிங்​கநல்​லூர் மண்டலத்​துக்கு உட்பட்ட துரைப்​பாக்கம் சாய் நகர் 16-வது தெரு உள்ளிட்ட 7 இடங்​களில் மட்டும் மழைநீர் வெளி​யேற்றும் பணி தொடர்ந்து நடைபெற்று வருகிறது.

வெள்​ளத்​தால் பாதிக்​கப்​பட்ட பகுதி​களில் நேற்று காலை வரை 5 லட்சத்து 54 ஆயிரம் உணவுப் பொட்​டலங்கள் வழங்​கப்​பட்டன. 192 இடங்​களில் மழைக்கால சிறப்பு மருத்துவ முகாம்கள் நடத்​தப்​பட்டு 10 ஆயிரத்து 226 பேர் சிகிச்சை பெற்றுள்​ளனர்.

புயலை முன்னிட்டு கடந்த நவ. 30, டிச.1 தேதி​களில் சென்னை மாநக​ராட்சி சார்​பில் பராமரிக்​கப்​பட்டு வரும் பூங்​காக்கள் மூடப்​பட்டன. கனமழைக்கு பிறகு சென்னை மாநகரம் முழு​வதும் சாலைகள் மற்றும் பூங்​காக்​களில் மேற்​கொள்​ளப்​பட்ட தூய்மைப் பணியில் மொத்தம் 7 ஆயிரத்து 600 டன் குப்பை, கட்டிடக் கழிவுகள் அகற்​றப்​பட்​டுள்ளன. மாநக​ராட்சி பராமரித்து வரும் 871 பூங்​காக்​களில் தீவிர தூய்​மைப் பணி முடிவடைந்த நிலை​யில் இன்​று​முதல் மீண்​டும் பூங்​காக்​கள் ​திறக்​கப்​படும் என செய்திக்​குறிப்​பில் கூறப்​பட்​டுள்​ளது.