காற்றழுத்த தாழ்வு மண்டலமாக நிலவும் ஃபெஞ்சல் புயல்: 13 மாவட்டங்களில் இன்று கனமழைக்கு வாய்ப்பு

சென்னை: ஃபெஞ்சல் புயல் கரையை கடந்த புதுச்​சேரி, விழுப்புரம் பகுதி​யில் அதிக​னமழை கொட்டி தீர்த்​தது. அதிகபட்​சமாக விழுப்புரம் மாவட்டம் மயிலத்​தில் 51 செ.மீ. புதுச்​சேரி​யில் 49 செ.மீ. மழை பெய்​துள்ளது. இன்று 13 மாவட்​டங்​களில் கனமழை பெய்​யும் என்று வானிலை ஆய்வு மையம் தெரி​வித்​துள்ளது.

இது தொடர்பாக இந்திய வானிலை ஆய்வு மையத்​தின் தென் மண்டல தலைவர் பாலசந்​திரன் செய்தி​யாளர்​களிடம் நேற்று கூறிய​தாவது: 90 கி.மீ. வேகத்தில் காற்றுதென்​மேற்கு வங்கக்​கடல் பகுதி​களில் நிலவிய ஃபெஞ்சல் புயல், புதுச்​சேரி அருகே 30-ம் தேதி இரவு 10.30 முதல் 11.30 மணி அளவில் கரையை கடந்​தது. அப்போது, அதிகபட்சம் 90 கி.மீ. வேகம் வரை காற்று வீசி​யுள்​ளது. டிசம்பர் 1-ம் தேதி (நேற்று) காலை முதல் புதுச்​சேரி அருகே புயலாக நிலை கொண்​டுள்​ளது.

இதன் காரணமாக புதுச்​சேரியை சுற்றி​யுள்ள பகுதி​களில் அதிக​னமழை பெய்​துள்ளது. அதிகபட்​சமாக விழுப்புரம் மாவட்டம் மயிலத்​தில் 51 செ.மீ. புதுச்​சேரி​யில் 49 செ.மீ. புதுச்​சேரி​யின் பத்துக்​கண்​ணு​வில் 45 செ.மீ. திருக்​க​னூரில் 43 செ.மீ. விழுப்புரம் மாவட்டம் திண்​டிவனத்​தில் 37 செ.மீ. நேமூரில் 35 செ.மீ. புதுச்​சேரி பாகூர், விழுப்புரம் மாவட்டம் வல்லத்​தில் 32 செ.மீ. செம்​மேடில் 31 செ.மீ. வளவனூர், கோலியனூரில் 28 செ.மீ. விழுப்பு​ரத்​தில் 27 செ.மீ. செஞ்சி, கெடாரில் 25 செ.மீ. மழை பதிவாகி​யுள்​ளது.

புதுச்சேரி அருகே நிலைகொண்டிருந்த ஃபெஞ்சல் புயல், மேற்கு திசையில் நகர்ந்து வலுவிழந்து காற்றழுத்த தாழ்வு மண்டலமாக அதே பகுதியில் நிலவுகிறது.இதன் காரண​மாக, இன்று (டிச.2) நீலகிரி, கோவை, திருப்​பூர், திண்​டுக்​கல், ஈரோடு மாவட்​டங்​களில் கன முதல் மிக கனமழை​யும், கிருஷ்ணகிரி, தருமபுரி, சேலம், நாமக்​கல், கரூர், தேனி, திருச்சி, மதுரை மாவட்​டங்​களில் ஓரிரு இடங்​களில் கனமழை​யும் பெய்யவாய்ப்பு உள்ளது.

நாளை (டிச.3) மேற்​கண்ட மாவட்​டங்​களி​லும் (திருச்சி, மதுரை நீங்​கலாக), திருப்​பத்​தூர் மாவட்​டத்​தி​லும் ஓரிரு இடங்​களில் கனமழை பெய்​யக்​கூடும். சென்னை மற்றும் புறநகர் பகுதி​களில் இன்று வானம் ஓரளவு மேகமூட்​டத்​துடன் காணப்​படும். நகரின் ஒருசில பகுதி​களில் இடி, மின்னலுடன் மிதமான மழை பெய்ய வாய்ப்பு உள்ளது. தமிழக கடலோர பகுதி​கள், மன்னார் வளைகுடா, குமரிக்​கடல் பகுதி​களில் இன்றும், நாளை​யும் 55 கி.மீ. வேகத்​தில் சூறாவளி காற்று வீசக்​கூடும். எனவே, இப்பகு​தி​களுக்கு மீனவர்கள் செல்ல வேண்​டாம். இவ்வாறு அவர் கூறினார்.

இதுவரை இல்லாத அளவாக... புதுச்​சேரி​யில் முதன்​முதலாக 1971-ம் ஆண்டு மழை மானி நிறு​வப்​பட்​டது. அப்போது முதல் புதுச்​சேரி​யின் மழையளவு பதிவு செய்​யப்​பட்டு வருகிறது. அந்த தரவு​களின்படி கடந்த 1978-ம் ஆண்டு நவ.4-ம் தேதி பதிவான 32 செமீ மழை அளவே, புதுச்​சேரி​யில் பதிவான அதிகபட்ச மழை அளவாக இருந்​தது. இந்நிலை​யில், தற்போது புதுச்​சேரி வரலாற்றில் இதுவரை இல்லாத அளவாக 49 செமீ மழை பதிவாகி​யுள்​ளது.

விழுப்புரம் மாவட்டம் மயிலத்​தில் 2011-ம் ஆண்டு தானி​யங்கி மழைமானி நிறு​வப்​பட்டு, தரவுகள் பதிவு செய்​யப்​பட்டு வருகிறது. அங்கு இதுவரை பதிவான மழை அளவு​களில் அதிகபட்​சமாக கடந்த 2017-ம் ஆண்டு டிச.2-ம் தேதி 14 செமீ மழை ப​திவாகி இருந்​தது. இந்​நிலை​யில் அங்கு தற்​போது 51 செமீ மழை ப​திவாகி இருப்பது குறிப்​பிடத்​தக்​கது.

மழை பாதிப்புகளும், மீட்புப் பணிகளும்: ஃபெஞ்சல் புயலால் தமிழகத்​தின் விழுப்பு​ரம், கடலூர், கள்ளக்​குறிச்சி மாவட்​டங்​களும், புதுச்​சேரி​யும் கடுமையாக பாதிக்​கப்​பட்​டுள்ளன. விழுப்புரம் மாவட்டத்தில் பல பகுதிகள் வெள்​ளக்​காடாகின. பாதிக்​கப்​பட்ட பகுதி​களில் ராணுவத்​தினர், தேசிய, மாநில பேரிடர் மீட்பு படையினர் தீவிர மீட்பு பணியில் ஈடுபட்​டுள்​ளனர்.

புதுச்​சேரி​யில் பல முக்கிய சாலைகள் நீரில் மூழ்​கின. புதுச்​சேரி நகரின் மைய பகுதியான வெங்கடா நகர், தென்றல் நகர், சாரம் உள்ளிட்ட பகுதிகள் மழைநீரால் சூழ்ந்து தனி தீவுகள்போல மாறி​யுள்ளன. கடலூர் - புதுச்​சேரி சாலை​யில் தண்ணீர் ஆறுபோல ஓடுவ​தால் போக்கு​வரத்து நிறுத்​தப்​பட்​டது. தேசிய பேரிடர் மீட்பு படையினர் அப்பகு​திக்கு சென்று பொது​மக்களை படகு மூலம் மீட்​டனர். மீட்பு பணிகளில் ராணுவத்​தினர் தீவிரமாக ஈடுபட்​டுள்​ளனர்.

சென்னை காரிசன் பட்டா​லியன் பிரிவை சேர்ந்த இந்திய ராணுவ படையினர் புதுச்​சேரி வந்து, மீட்பு பணியில் ஈடுபட்​டுள்​ளனர். புதுச்​சேரி நகரப் பகுதி​யில் உள்ள கிருஷ்ணா நகர், ஜீவா நகர் பகுதி​யில் 500-க்​கும் மேற்​பட்ட வீடு​களில் வெள்ளம் புகுந்​துள்ளது. இந்திய கடலோர காவல் படையினர், பேரிடர் மீட்பு படையினரும் மீட்பு பணிகளில் ஈடுபட்​டுள்​ளனர். வம்புபட்டு ஏரி நிரம்பி உபரிநீர் வெளி​யேறு​வ​தால், புதுச்​சேரி - விழுப்புரம் சாலை துண்​டிக்​கப்​பட்​டுள்​ளது. இதனால் போக்கு​வரத்து நிறுத்​தப்​பட்டு, வாகனங்கள் பல கி.மீ. தூரம் சுற்றி செல்​கின்றன.

இதேபோல, விழுப்புரம் மாவட்​டத்​திலும் பெரும் பாதிப்பு ஏற்பட்டுள்ளது. மாவட்டம் முழு​வதும் 850 தற்காலிக மையங்கள் அமைக்​கப்பட்​டுள்ளன. பலத்த சூறைக்​காற்று, கனமழை காரணமாக சுமார் 30 மணி நேரமாக மின்​விநி​யோகம் தடைபட்​டுள்​ளது.

கடலூர் மாவட்டம் முழு​வதும் நேற்று முன்​தினம் இரவு தொடங்கி விடிய விடிய கனமழை கொட்​டிய​தால் பல்வேறு பகுதி​களி​லும் வீடு​களில் மழை நீர் புகுந்​தது. தேசிய, மாநில பேரிடர் மீட்புபடையினர் தீவிர மீட்பு பணியில் ஈடுபட்​டுள்​ளனர். கள்ளக்​குறிச்சி மாவட்​டத்​தி​லும் வெள்​ளத்​தால் பாதிக்​கப்​பட்ட அனைத்து பகுதி​களி​லும் மீட்பு நிவாரண பணி​கள் ​முழுவீச்​சில் நடந்து வரு​கின்றன.

​விழுப்பு​ரம், கடலூரில் வெள்​ளத்​தால் பா​திக்​கப்​பட்ட பகு​தி​கள் மற்றும் மீட்பு, நிவாரண நட​வடிக்கைகளை துணை ​முதல்​வர் உதயநிதி ஸ்டா​லின், அமைச்​சர்​கள் பொன்​முடி, சிவசங்​கர், செந்​தில் பாலாஜி ஆகியோர் பார்​வை​யிட்​டு ஆய்​வு செய்​தனர். மயிலம், திண்டிவனத்தில் மழை பாதிப்புகளை அதிமுக பொதுச் செயலாளர் பழனிசாமி பார்வையிட்டு, நிவாரண உதவிகளை வழங்கினார்.