குரு சிஷ்யா உறவு முறை தான் கலைஞர்களை​ ​உயிரோட்டமாக வைத்திருக்கிறது: தலைமை நீதிபதி கே.ஆர்​.ஸ்ரீராம் பெருமிதம்

சென்னை: குரு சிஷ்யா உறவு முறை தான் இசைக்​கலைஞர்​களை​யும், கலையை​யும் என்றென்​றும் உயிரோட்​டமாக வைத்​திருக்​கிறது என சென்னை உயர் நீதி​மன்ற தலைமை நீதிபதி கே.ஆர்​.ஸ்ரீராம் பெரு​மிதம் தெரி​வித்​தார்.

சென்னை உயர் நீதி​மன்ற தலைமை நீதிபதி கே.ஆர்​.ஸ்ரீராம் மற்றும் அவரது சகோதரியான பெங்​களூரு ஆத்மாலயா அகாட​மி​யின் நிர்​வாகியான பரத நாட்​டியக் கலைஞர் டாக்டர் பத்மஜா வெங்​கடேஷ் சுரேஷ் ஆகியோரது தந்தை மறைந்த கூத்து கலைஞர் சாக்​யார் ராஜன் நினைவாக இசைக்​கலைஞர்​களுக்கு விருது வழங்​கும் விழா சென்னை ஆழ்வார்​பேட்டை நாரத கான சபாவில் நடைபெற்​றது.

இந்நிகழ்​வில் பங்கேற்ற உயர் நீதி​மன்ற தலைமை நீதிபதி கே.ஆர். ஸ்ரீராம், தனது தந்தை மறைந்த சாக்​யார் ராஜன் நினைவு விருதை கொச்​சி​யைச் சேர்ந்த பூஜா கொட்டு கலைஞரான ஸ்ரீ கே.என். கிருஷ்ணா குறுப்​புக்கு வழங்கி கவுர​வித்​தார். அதே போல டாக்டர் ராஜாராம் சாஸ்​திரிவிருது சமஸ்​கிருத வேதக்​கலைஞர் டாக்டர் கிருஷ்ண​மூர்த்தி சாஸ்​திரி​களுக்​கும், மெலட்​டூர் ஸ்ரீ எஸ். நடராஜன் நினைவு விருது இசை மற்றும் நடனக் கலைஞர் ஸ்ரீ ஜெயராம் கணேசனுக்​கும், ஆத்மாலயா சிறப்பு விருது மிருதங்க கலைஞர் தஞ்சாவூர் வி.பத்​மாவுக்​கும் வழங்கி கவுர​வித்​தார். பின்னர் தலைமை நீதிபதி கே.ஆர். ஸ்ரீராம் பேசுகை​யில், ‘‘இசைக்​கலைஞர்கள் மூலமாகத்​தான் கலை இன்றும் வாழ்ந்து வருகிறது. குரு சிஷ்யா உறவு முறை எதிர்கால சந்த​தி​யினரிட​மும் பாரம்​பரியமாக தொடரவேண்​டும். ஏனென்​றால் அந்த குரு சிஷ்யா உறவு முறை தான் இசைக்​கலைஞர்​களை​யும், கலையை​யும் என்றென்​றும் உயிரோட்​டமாக வைத்​திருக்​கிறது’ என பெரு​மிதம் தெரி​வித்​தார்.

இந்நிகழ்​வில் டாக்டர் பத்மஜா சுரேஷ் எழுதிய ‘நடன தந்திரங்கள் மற்றும் சத்குரு’ என்ற நூலை மையமாகக் கொண்டு ஸ்ரீதர்ஷன் சங்கர் குழு, சாந்​தாலா நாட்​டி​யாலயா ரேகா அசோக் ஹெக்டே குழு, ஸ்ரீ ரமண மகரிஷி மையம் ஸ்ரீ சாரதா நடராஜன் குழு, ஆத்மாலயா அகாடமி டாக்டர் பத்மஜா சுரேஷ் குழு​வினரின் பரதநாட்​டி​யம் நிகழ்ச்சி நடை​பெற்​றது. சர்​வேஷ் வெங்​கடேஷ் பாடி​னார். நிகழ்ச்​சிக்கான ஏற்​பாடுகளை டாக்​டர்​ பத்மஜா சுரேஷ் செய்திருந்தார்.