நீ​தித்​துறை மீதான நம்பிக்கையை காக்க ஊழலை ஊக்கு​விக்​காதீர்கள்: தலைமை நீதிபதி கே.ஆர்​.ஸ்ரீராம் அறிவுரை

சென்னை: நீதித்​துறை மீது மக்கள் வைத்​துள்ள நம்பிக்கையை காப்​பாற்ற, ஊழலை ஒருபோதும் ஊக்கு​விக்​காதீர்கள் என இளம் வழக்​கறிஞர்​களுக்கு உயர் நீதி​மன்ற தலைமை நீதிபதி கே.ஆர்​.ஸ்ரீராம் அறிவுரை வழங்​கினார். தமிழ்​நாடு மற்றும் புதுச்​சேரி பார் கவுன்​சில் சார்​பில் அரசி​யலமைப்பு சட்டதின விழா மற்றும் 1,200 புதிய வழக்​கறிஞர்கள் பார் கவுன்​சிலில் பதிவு செய்​யும் நிகழ்வு, சென்னை உயர் நீதி​மன்ற கலையரங்​கில் நேற்று மாலை நடைபெற்​றது.

இந்நிகழ்​வில் பார் கவுன்​சில் தலைவர் பி.எஸ்​.அமல்​ராஜ் வரவேற்​றார். புதிய வழக்​கறிஞர்​களாக பதிவு செய்​யும் நிகழ்வை வழக்​கறிஞர் ஜாகிர் ஹூசைன் தொடங்கி வைக்க, என்ரோல் ​மெண்ட் கமிட்டி தலைவர் வழக்​கறிஞர் கே.பாலு இளம் வழக்​கறிஞர்​களுக்கான உறுதி​மொழியை வாசித்தார்.

சென்னை உயர் நீதி​மன்ற தலைமை நீதிபதி கே.ஆர்​.ஸ்ரீராம் சிறப்பு விருந்​தினராக பங்கேற்று, அரசி​யலமைப்பு சட்ட தின உறுதி​மொழியை வாசிக்க அனைவரும் உறுதி​மொழி எடுத்​துக்​கொண்​டனர். பின்னர் அவர் பேசி​ய​தாவது: அரசி​யலமைப்பு சட்ட தினத்​தன்று இளம் வழக்​கறிஞர்​களாக பதிவு செய்​துள்ள உங்களுக்கு எனது மனப்​பூர்வமான வாழ்த்து​கள். நீதித்​துறை​யில் எண்ணற்ற வாய்ப்புகள் கொட்​டிக் கிடக்​கின்றன. எந்த துறையை தேர்வு செய்வது என்பதை நீங்​கள்​தான் முடிவு செய்ய வேண்​டும். நீதித்​துறை மீது மக்கள் அலாதியான நம்பிக்கை வைத்​துள்ளனர்.

அந்த நம்பிக்கையை நீங்கள் காப்​பாற்ற, ஊழலை ஒருபோதும் ஊக்கு​விக்​காதீர்​கள். கட்சிக்​காரரும், நீதிப​தி​யும் உங்கள் மீது நம்பிக்கை வைக்க வேண்​டும். அந்தளவுக்கு நீங்கள் நன்ம​திப்பை சம்பா​திக்க வேண்​டும். கட்சிக்​காரர்​களின் ரகசியம் உங்களின் நிழலுக்​குக்கூட தெரி​யாமல் பார்த்​துக்​கொள்ள வேண்​டும். பணம், பணம் என எப்போதும் ஓடாதீர்​கள். தொழில் எவ்வளவு முக்​கியமோ அதைவிட முக்​கியம் உங்களது பெற்​றோர். அவர்​களு​ட​னும் நேரத்தை செலவிடுங்​கள்.

நீதித்​துறை​யின் மாண்பு, மரியாதைக்கு ஒருபோதும் பங்கம் ஏற்பட்டு​விடாமல் நேர்​மை​யுட​னும், ஒழுக்​கத்​துட​னும் திறம்பட செயலாற்றுங்​கள். உலக நடப்புகளை அலசி ஆராய நாளிதழ் வாசிக்​கும் பழக்​கத்தை பழக்​க​மாக்​கிக் கொள்​ளுங்​கள். வாழ்​நாளில் ஒரு குழந்தைக்​காவது இலவச கல்வி அளிக்க வேண்​டும் என்பதை வாழ்​நாள் லட்சி​யமாக எடுத்​துக் கொள்​ளுங்​கள்.

மகாபாரத காலத்​தில் இருந்தே எதிராளி​களின் உணர்​வு​களுக்​கும் மதிப்​பளிக்​கும் பழக்கம் நம்மிடையே இருந்து வருகிறது. அதை கடைபிடி​யுங்​கள். அரசி​யலமைப்பு சட்டம் தந்துள்ள கடமை​களை​யும், உரிமை​களை​யும் நிலைநாட்ட ஏழை, எளிய மக்களுக்காக சேவை​யாற்றுங்​கள். இவ்வாறு அவர் பேசினார்.

இந்நிகழ்​வில் உயர் நீதி​மன்ற நீதிப​திகள் என். சதீஷ்கு​மார், எம்.தண்​டபாணி, அரசு தலைமை வழக்​கறிஞர் பி.எஸ்​. ராமன், அரசு ப்ளீடர் ஏ.எட்வின் பிரபாகர், அகில இந்திய பார் கவுன்​சில் துணைத் தலைவர் எஸ். பிரபாகரன், முன்​னாள் நீதிபதி கே.என்​.பாஷா, மூத்த வழக்​கறிஞர் எஸ்.ரவி, பார் கவுன்​சில் துணைத் தலைவர் வேணு.​கார்த்திக்​கேயன், பார் கவுன்​சில் உறுப்​பினர்கள் ஜி.மோக​னகிருஷ்ணன், எம்​.வேல்​முரு​கன், ஜி.​தாளை​முத்​தரசு உட்பட பலர் பங்​கேற்​றனர். பார் க​வுன்​சில் உறுப்​பினர் ஜெ.பிரிஸில்லா பாண்​டியன் நன்றி கூறினார். பார் க​வுன்​சில் உறுப்​பினர் டி.சர​வணன் நிகழ்​வை தொகுத்​து வழங்​கினார்.