தேசிய செயல் திட்டத்தின்கீழ் தமிழகத்தில் போதை பொருட்கள், மதுபானத்தின் பயன்பாடு குறித்து ஆய்வு நடத்த முடிவு

சென்னை: தேசிய செயல் திட்​டத்​தின்​கீழ், தமிழகத்​தில் போதைப் பொருள், மதுபானத்​தின் பயன்​பாடு குறித்து ஆய்வு நடத்தி அறிக்கை அளிக்க தமிழக அரசு ஒப்பந்தம் கோரி​யுள்​ளது.

இதுகுறித்து தமிழக அரசு வெளி​யிட்​டுள்ள ஒப்பந்த ஆவணத்​தில் கூறப்​பட்​டுள்ள​தாவது: ‘போதை இல்லா தமிழகம்’ என்பதை எட்டும் வகையில், தமிழக அரசு பல திட்​டங்களை செயல்​படுத்தி வருகிறது. இந்நிலை​யில், மத்திய அரசின் நிதியை பெறும் வகையில், போதை தேவையை குறைத்தல் தொடர்பான தேசிய செயல் திட்​டத்​தின்​கீழ், தமிழகத்​தில் போதைப் பொருள், மதுபானத்​தின் பயன்​பாடு குறித்து ஆய்வு நடத்த தமிழக குழந்தைகள் நலன், சிறப்பு சேவைகள் துறை முடிவு செய்​துள்ளது.

தமிழகத்​தில் போதைப் பொருட்​கள், மதுபானத்​தின் பயன்​பாட்டை அறிவது, வாடிக்கை​யாளர்​களால் அவை எந்த வகையில் பயன்​படுத்​தப்​படு​கிறது, அவற்றை பயன்​படுத்​தும் நுகர்​வோரின் சமூக பொருளாதார அடையாளம், பின்னணியை அறிவது, இவற்றின் நுகர்வு அதிகம் உள்ள பகுதிகளை கண்டறிவது, இதன் பயன்​பாட்டை தடுப்​ப​தற்கான ஆதார அடிப்​படையிலான கொள்​கைகள், திட்​டங்களை வகுப்பது ஆகியவை இந்த ஆய்வின் நோக்கம் ஆகும்.

இந்த ஆய்வில் கலவையான வழிமுறைகள் பின்​பற்​றப்பட வேண்​டும். குறிப்​பாக, தமிழகத்​தில் வசிக்​கும் 18-25 வயதுக்கு உட்பட்ட போதைப் பொருள், மதுபானம் பயன்​படுத்​தும் நுகர்​வோரிடம் ஆய்வு நடத்​தப்பட வேண்​டும். இந்த ஆய்வை நடத்த தகு​தியான நிறு​வனங்​கள் ​விண்​ணப்​பிக்கலாம். இவ்​வாறு அ​தில் கூறப்​பட்​டு உள்​ளது.