தமிழகத்தில் பெருமழை வந்தால் எதிர்கொள்ள தயார்: மாற்று திறனாளி​ சேவை மைய திறப்பு விழா​வில் ​முதல்வர் உறுதி

சென்னை: ‘மழையை எதிர்​கொள்ள நாங்கள் தயாராக உள்ளோம்’ என்று முதல்வர் மு.க.ஸ்​டா​லின் தெரி​வித்​தார்.

சென்னை சோழிங்​கநல்​லூரில், மாற்றுத் திறனாளி​களுக்கான ‘விழுதுகள்’ சேவை மையம் திறப்பு விழா​வில் முதல்வர் மு.க.ஸ்​டா​லின் பங்கேற்​றார். அப்போது செய்தி​யாளர்​களின் கேள்வி​களுக்கு அவர் அளித்த பதில்கள் வருமாறு:

டெல்டா பகுதி​களில் மழை அதிக​மாகப் பெய்​யும் என்று சென்னை வானிலை மையம் எச்சரித்​துள்ளதே?

அதற்கான பணிகள் எல்லாம் முறைப்படி நடைபெற்று வருகிறது. மாவட்ட ஆட்சி​யர்​களுக்கு அறிவுறுத்​தல்கள் வழங்​கப்​பட்​டுள்ளன. அதிகாரி​களுக்​கும் உத்தர​விட்​டுள்​ளோம். அதுதவிர மண்டல​வாரியாக அதிகாரிகள் நியமிக்​கப்​பட்டு அவர்​களும் ஆய்வு செய்​கின்​றனர்.

காற்​றழுத்த தாழ்வு நிலை வலுப்​பெற்றுள்​ளது. இதன் நகர்வு தமிழகத்தை நோக்கி வரும் என்று கூறப்​படு​கிறது. பெருமழை எதிர்​பார்க்​கப்​படு​கிறதா?

எதிர்​பார்க்​கிறோம், எதிர்​பார்க்க​வில்லை என்பது வேறு. நாங்கள் எல்லா​வற்றுக்​கும் தயாராக உள்ளோம்.

நாடாளு​மன்ற கூட்​டத்​தொடரில் தமிழகத்​துக்கு தேவையான நிதி, இதர உரிமைகள் குறித்து பேச என்ன அறிவுறுத்​தல்கள் வழங்​கப்​பட்​டுள்​ளன?

நாடாளு​மன்ற உறுப்​பினர்களை அழைத்து, அவர்கள் என்னவெல்​லாம் பேச வேண்​டும் என்று தீர்​மானங்கள் போட்டு அவர்​களிடம் வழங்​கி​யுள்​ளோம். அதை வலியுறுத்தி அவர்கள் பேசுவார்​கள்.

ராமதாஸ் கேள்விக்கு பதில்: அதானி விவகாரத்​தில் தமிழகத்​துக்கு அவர் வந்து சந்தித்​ததாக கூறுவது பற்றி?

அதற்கு அமைச்சர் ஏற்கெனவே பதிலளித்​துள்ளார். நீங்கள் அதை ‘ட்விஸ்ட்’ செய்ய வேண்​டாம்.

அதானி யாரை வந்து சந்தித்​தார் என்று பாமக நிறு​வனர் ராமதாஸ் கேள்வி எழுப்​பி​யுள்​ளாரே?

அவருக்கு வேறு வேலை இல்லை. அதனால் தினமும் அறிக்கை விடு​கிறார். அதற்​கெல்​லாம் பதில் சொல்ல வேண்டிய அவசியமில்லை. இவ்வாறு பதிலளித்​தார்.

பள்ளிக் குழந்தைகள் சார்ந்த நிகழ்வு​களில் குறிப்​பாக, காலை உணவுத்​திட்ட நிகழ்ச்​சி​யில் பங்கேற்​கும்​போது, மாணவர்​களுடன் அமர்ந்து உணவு உண்பதை முதல்வர் மு.க.ஸ்​டா​லின் வழக்​கமாக கொண்​டுள்​ளார். அப்போது அருகில் அமரும் மாணவர்​களுடன் பேசுவதுடன், அவர்​களுக்கு உணவு ஊட்டி​யும் விட்​டுள்​ளார். இந்நிலை​யில், நேற்று எழில்​நகர் மழலையர் பள்ளி​யில் உள்ள குழந்தை​களுக்கு கல்வி உபகரணங்கள் அடங்கிய பையை வழங்​கினார். அப்போது, முதல்வர் மு.க.ஸ்​டா​லின், திடீரென இரண்டு குழந்தைகள் அமர்ந்​திருந்த இடத்​தின் நடுவில் அமர்ந்​தார். தரையில் அவர் கையை ​வைத்த​போது, கை வழுக்​கியது. இருப்​பினும் சு​தா​ரித்​துக் ​கொண்டு அமர்ந்த அவர், குழந்தை​களு​டன் சிறிது நேரம் பேசிக்​ ​கொண்​டிருந்​தார்​.