மழை வெள்ளம் ஏற்பட்டால் பொதுமக்கள் பாதிக்கப்படாமல் இருக்க நடவடிக்கை: அமைச்சர் சாத்தூர் ராமச்சந்திரன் உறுதி

விருதுநகர்: மழை வெள்ளத்தால் மக்கள் பாதிக்​கப்​படாத வகையில் நடவடிக்கை எடுக்​கப்​பட்டு வருவதாக வருவாய் துறை அமைச்சர் சாத்தூர் ராமச்​சந்​திரன் தெரி​வித்​தார்.

விருதுநகர் அருகே நேற்று அவர் செய்தி​யாளர்​களிடம் கூறிய​தாவது: டெல்டா மாவட்​டங்​களில் 2 நாட்​களுக்கு கனமழை பெய்​யும் என வானிலை ஆய்வு மையம் அறிவித்​துள்ளது. இது தொடர்​பாக, முன்னெச்​சரிக்கை நடவடிக்கைகளை எடுக்க மாவட்ட நிர்​வாகங்​களுக்கு முதல்வர் உத்தர​விட்​டுள்​ளார்.

மழை வெள்ளம் ஏற்பட்​டால் மக்களைப் பாது​காப்பாக தங்க வைப்​ப​தற்கான இடங்​களை​யும் தயார் நிலை​யில் வைத்​துள்ளோம். மக்களுக்கு எந்த பிரச்​சினை​யும் ஏற்படாத வகையில் இந்த அரசு சமாளிக்​கும். ராமநாத​புரத்​தில் மழையால் பாதிக்​கப்​பட்​டுள்ள படகு​களுக்கு நஷ்டஈடு வழங்​குவது தொடர்பாக, ஆட்சியர் மூலம் முதல்வருக்கு கடிதம் எழுதப்​பட்​டுள்ளது. ராமநாத​புரம், ராமேசுவரம், மண்டபம் குடி​யிருப்பு பகுதியில் உள்ள தண்ணீரை முழுவதுமாக வெளி​யேற்றும் பணியை அரசு தீ​விர​மாகச் செய்​துள்ளது என்றார்.