சுற்றுச்சூழலை பாதுகாக்க மீன்பிடி படகுகளை காஸ் சிலிண்டரால் இயக்க திட்டம்: மீன்வளத் துறை அதிகாரிகள் தகவல்

சென்னை: மீன்​பிடி படகுகளை இயக்க தற்போது மண்ணெண்ணை மற்றும் டீசல் பயன்​படுத்​தப்​பட்டு வருகிறது. இதனால், கடல் பரப்​பில் மாசு ஏற்பட்டு சுற்றுச்​சூழலுக்கு தீங்கு விளைவிக்​கிறது. எனவே, கடல் மாசுபாட்​டை தடுக்​கும் வகையில், படகு​களில் மண்ணெண்​ணைக்​கு பதில் எரிபொருளாக காஸ் சிலிண்​டர்​களை பயன்​படுத்த முடிவு செய்​யப்​பட்​டுள்​ளது.

இதுகுறித்து, மீன்​வளத் துறை அதிகாரிகள் கூறிய​தாவது: நாட்​டிலேயே முதன்​முறை​யாக, தமிழகத்​தில் மீன்​பிடி படகு​களில் மண்ணெண்​ணையை எரிபொருளாகப் பயன்​படுத்து​வதற்​குப் பதிலாக எல்பிஜி (காஸ்) சிலிண்​டர்​களை பயன்​படுத்தி இயக்கு​வதற்கான முன்னோடி திட்டம் செயல்​படுத்​தப்பட உள்ளது. இதற்​காக, தமிழக அரசு ரூ.1.90 கோடி நிதி வழங்கி உள்ளது. முதற்​கட்​ட​மாக, திருநெல்​வேலி, தூத்​துக்​குடி, கன்னி​யாகுமரி ஆகிய 3 மாவட்​டங்​களில் இத்திட்டம் செயல்​படுத்​தப்பட உள்ளது. மண்ணெண்ணை பயன்​படுத்தி இயக்​கப்​படும் 150 படகு​களில் காஸ் சிலிண்​டர்​களை பயன்​படுத்து​வதற்கான ‘கிட்​’கள் பொருத்​தப்​படும். இதன் பாது​காப்பு அம்சங்கள் குறித்து சர்வதேச ஆட்டோ தொழில்​நுட்பமையத்​தில் சோதனை செய்து பார்க்​கப்​பட்​டுள்​ளது.

மண்ணெண்​ணையை எரிபொருளாகப் பயன்​படுத்​தும் ​போது 1.2% கார்பன் மோனாக்​சைடு வெளி​யேறுகிறது. அதேசம​யம், காஸ் சிலிண்​டர்​களை பயன்​படுத்​தும்​போது 0.32% மட்டுமே கார்பன் மோனாக்​சைடு வெளி​யேறுகிறது. அதேபோல், காஸ் சிலிண்​டரை பயன்​படுத்​தும்​போது 9.9 குதிரை சக்தி திறன் உள்ள இன்ஜின்​களுக்கு 56.54 சதவீத​மும், 25 குதிரை சக்தி திறன் கொண்ட இன்ஜின்​களுக்கு 65.64 சதவீத​மும் எரிபொருள் சேமிப்பு ஆகிறது. மேலும், மண்ணெண்ணை பயன்​படுத்​தும்​போது கடல் நீரும், காற்றும் மாசுபடு​கிறது. அத்துடன், மீனவர்​களின் உடல் நலத்​துக்​கும் தீங்கை ஏற்படுத்து​கிறது. சிலிண்​டர்​களைப் பயன்​படுத்தி படகுகளை எவ்வாறு இயக்குவது என்பது குறித்து மீனவர்​களுக்​கு பயிற்சி அளிக்​கப்படும். இத்​திட்​டம் படிப்​படியாக ​மாநிலம் ​முழு​வதும் ​விரிவுபடுத்​தப்​படும். இவ்​வாறு அவர்​கள் தெரி​வித்​தனர்​.