விஜய வரதராஜர் கோயி​லில் சீரமைப்பு பணிகளை தொடங்க வேண்​டும்: அறநிலைய துறைக்கு நீதி​மன்றம் உத்தரவு

சென்னை: செங்​கல்​பட்டு அருகே பாபுராயன்​ பேட்​டை​யில் உள்ள 300 ஆண்டுகள் பழமையான ஸ்ரீ விஜய வரதராஜர் கோயி​லில் சீரமைப்பு பணிகளை உடனடியாக தொடங்க அறநிலையத் துறைக்கு உயர் நீதி​மன்றம் உத்தர​விட்​டுள்​ளது. சென்னை உயர் நீதி​மன்​றத்​தில் வழக்​கறிஞர் பி. ஜெகந்​நாத் தாக்கல் செய்திருந்த மனுவில், “செங்​கை மாவட்டம் பாபுராயன்​ பேட்​டை​யில் உள்ள 300 ஆண்டுகள் பழமையான ஸ்ரீ விஜய வரதராஜர் கோயில் அறநிலையத் துறை​யின் கட்டுப்​பாட்​டில் உள்ளது.

வடகலை வைணவ சம்பிர​தாயப்படி இந்த கோயி​லில் திருப்​பணிகளை மேற்​கொண்டு, சம்ப்​ரோக் ஷணம் நடத்த அறநிலையத் துறைக்கு வேண்​டும்” எனக் கோரி​யிருந்​தார். இந்த வழக்கை ஏற்கெனவே விசா​ரித்த உயர் நீதி​மன்​றம், இந்த கோயி​லில் சம்ப்​ரோஷணம் நடத்த 12 வாரங்​களில் உரிய நடவடிக்கை எடுக்க வேண்​டும் என, கடந்த 2020-ம் ஆண்டு அறநிலையத் துறைக்கு உத்தர​விட்​டது. ஆனால் இந்த உத்தரவை அமல்​படுத்​தவில்லை எனக் கூறி வழக்​கறிஞர் பி.ஜெகந்​நாத் அவமதிப்பு வழக்கு தொடர்ந்​திருந்​தார். இந்த வழக்கு தலைமை நீதிபதி கே.ஆர். ஸ்ரீராம் மற்றும் நீதிபதி செந்​தில்​கு​மார் ராமமூர்த்தி ஆகியோர் அடங்கிய அமர்​வில் மீண்​டும் விசா​ரணைக்கு வந்தது.

அப்போது வழக்​கறிஞர் ஜெகந்​நாத் ஆஜராகி, “மிக​வும் பழமையான இந்தக் கோயில் தற்போது சிதிலமடைந்த நிலை​யில் உள்ளது. சம்ப்​ரோஷணம் நடத்த உயர் நீதி​மன்றம் உத்தர​விட்டு 4 ஆண்டு​களாகி​யும் இன்னும் எந்த நடவடிக்கை​யும் எடுக்க​வில்லை, என குற்​றம்​சாட்டி கோயி​லின் தற்போதைய நிலை குறித்த புகைப்​படங்களை தாக்கல் செய்​தார். அதைப் பார்த்த நீதிப​தி​கள், அறநிலையத் துறை ஆணையர் நேரில் ஆஜராக உத்தர​விட்​டனர்.

அப்போது அறநிலையத் துறை ஆணையர் பி.என்​.ஸ்ரீதர் காணொலியில் ஆஜரானார். அறநிலையத் துறை தரப்​பில் ஆஜரான கூடுதல் அரசு தலைமை வழக்​கறிஞர் ஜெ.ரவீந்​திரன், சிறப்பு அரசு வழக்​கறிஞர் என்.ஆர்​.ஆர்​.அருண் நடராஜன் ஆகியோர், இந்தக் கோயில் முழு​மையாக ஆய்வு செய்​யப்​பட்டு ஒரு வாரத்​தில் சீரமைப்பு பணிகள் தொடங்​கும். அதேபோல பணிகள் விரைவாக முடிக்​கப்​பட்டு அதற்கான ஆதாரங்கள் தாக்கல் செய்யப்​படும் என்றனர்.

இதையடுத்து நீதிப​தி​கள், இந்த நீதி​மன்ற அவமதிப்பு வழக்கு கடந்த 2 ஆண்டு​களாக நிலுவை​யில் இருந்து வருகிறது. இந்த வழக்​கில் கடந்த 2020-ம் ஆண்டு சம்ப்​ரோஷணம் நடத்த உயர் நீதி​மன்றம் உத்தர​விட்​டுள்​ளது. ஆனால் அறநிலையத் துறை அதிகாரிகள் அதை நிறைவேற்​றாதது கடும் கண்டனத்​துக்​குரியது. விஜய வரதராஜப் பெரு​மாள் கோயில் பாது​காக்​கப்பட வேண்டிய பழமையான பாரம்​பரிய நினை​வுச் சின்னம் மட்டுமின்றி தேசிய சொத்​தும் கூட. ஆனால் இந்தக் கோயில் செடி, கொடிகள் வளர்ந்து சிதிலமடைந்து கிடக்​கிறது.

இந்தக் கோயிலை பாது​காக்க அதிகாரிகள் எந்த நடவடிக்கை​யும் எடுக்​காதது துரதிருஷ்ட​வச​மானது. உயர் நீதி​மன்றம் பிறப்​பிக்​கும் உத்தர​வுகளை அதிகாரிகள் நிறைவேற்​றா​விட்​டால் அறநிலையத் துறை ஆணையரை பதவி நீக்கம் செய்​ய​வும், இணை ஆணையருக்கு பதவி உயர்வு வழங்கக் கூடாது என்றும் கடுமையான உத்தர​வுகளை பிறப்​பிக்க நேரிடும்.

எனவே அறநிலையத் துறை அதிகாரிகள் உடனடியாக இந்தக் கோயி​லில் ஆய்வு மேற்​கொண்டு சீரமைப்பு பணிகளைத் தொடங்க வேண்​டும். பணிகள் நடக்​கிறதா என்பதை மனுதா​ரரும் அவ்வப்​போது ஆய்வு செய்து புகைப்​படங்களை நீதி​மன்​றத்​துக்கு சமர்ப்​பிக்க வேண்​டும். இந்த வழக்​கில் அறநிலைய துறை ஆணையர் தரப்​பில் பதில் அளிக்க வேண்​டும், என உத்தர​விட்டு விசா​ரணையை நவ.29-க்கு தள்ளி வைத்​துள்ளனர்​.