கோயில் பணத்தை சூறையாடி வரும் இந்து சமய அறநிலைய துறையை கலைக்க வேண்டும்: பொன் மாணிக்கவேல் ஆவேசம்

சேலம்: இந்து சமய அறநிலையத் துறை கோயில் பணத்தை சூறை​யாடி வருகிறது. எனவே, அறநிலையத் துறையை கலைத்துவிட வேண்​டும் என்று சிலை கடத்தல் தடுப்புப் பிரிவு முன்​னாள் ஐ.ஜி. பொன் மாணிக்க​வேல் கூறினார்.

சேலம் சுகவனேஸ்​வரர் கோயி​லில் சுவாமி தரிசனம் செய்த பொன்​.​மாணிக்க​வேல், பின்னர் செய்தி​யாளர்​களிடம் கூறிய​தாவது: அறநிலையத் துறை அமைச்சர் தொடங்கி அதிகாரிகள் வரை, மக்கள் வரிப் பணத்​திலிருந்து ஆண்டுக்கு ரூ.428 கோடி ஊதியம் வழங்​கப்​படு​கிறது. கோயில் கணக்​குகளை தணிக்கை பார்க்க ரூ.228 கோடி செலவிடப்​பட்​டுள்​ளது. தனி மனிதர் தவறு செய்​தால் தண்டிக்​கும் நிலை​யில், அரசே குற்றமிழைக்​கும்​போது என்ன செய்​வது?

கோயில் பாது​காப்பு படை: காவல் துறை மற்றும் முன்​னாள் ராணுவத்​தினரை இணைத்து கோயில் பாது​காப்பு படை உருவாக்​கப்​பட்​டது. ஆனாலும், 1022 உண்டியல் திருட்டு​கள், 248 கோயில்​களில் சிலைகள் திருட்டு நடந்​துள்ளன. 500-க்​கும் மேற்​பட்ட விக்​ரகங்கள் திருடு​போ​யுள்ளன. இதுவரை எந்த குற்​ற​மும் கண்டு​பிடிக்க​வில்லை. 2015 முதல் 2018 வரை கோயில் பாது​காப்பு படைக்கு ரூ.172 கோடி செலவு செய்​தும் எந்தப் பலனும் இல்லை.

அறநிலையத் துறை கோயில் பணத்தை சூறை​யாடி வருகிறது. எனவே, உடனடியாக இந்து சமய அறநிலையத் துறையை கலைத்துவிட வேண்​டும். அறநிலையத் துறை அறமற்ற துறையாக உள்ளது.கோயில் பாது​காப்புப் படையில் தற்போது முன்​னாள் போலீ​ஸாரை சேர்க்​கிறார்​கள். அவர்கள் மது அருந்​தி​விட்டு பணியில் ஈடுபடு​கின்​றனர்.

சேலம் ஆறகளூர் கோயில் உள்ள பகுதியை 3-ம் குலோத்​துங்க சோழன் ஆட்சிபுரிந்​துள்ளார். 1190-களில் கட்டப்​பட்​டுள்ள அந்தக் கோயிலை அரசு புறக்​கணித்து, அதன் பழமையை அழித்து, நவீன​மாக்​கி​விட்​டது. அந்த கோயிலை பாது​காக்​கப்​பட்ட, புராதனக் கோயிலாக மாற்றி அறிவிக்க வேண்​டும்.

திருப்​பணிக்கு வசதி​யானவர்கள் நிதி கொடுக்​கிறார்​கள். அவர்​களிடம் பணம் வாங்கி திருப்பணி செய்​து​விட்டு, கோயில் நிதி​யில் கணக்கு காட்டி விடு​கிறார்​கள். கோயில் அர்ச்​சகர் மிகக் குறைந்த சம்பளத்​தில் பணிபுரி​கிறார். ஆனால், அறநிலையத் துறை ஆணையருக்கு லட்சக்​கணக்​கில் சம்பளம் கிடைக்​கிறது. கோ​யிலைப் பாது​காத்து, கோயிலுக்காக உழைப்​பவர்​களுக்கு உரிய ஊ​தி​யம் வழங்​கப்​படு​வ​தில்லை. இவ்​வாறு பொன் ​மாணிக்க​வேல் கூறினார்.