பக்​கவாதம் பாதிப்பு ஏற்படு​பவர்​களில் 5% மட்டுமே சரியான நேரத்​தில் சிகிச்​சைக்கு வருகிறார்கள்: மருத்​துவர் ஆர்.எம்.பூபதி தகவல்

சென்னை: உலகம் முழு​வதும் ஆண்டு​தோறும் அக். 29-ம் தேதி பக்கவாத நோய் தடுப்பு விழிப்பு​ணர்வு தினம் கடைபிடிக்கப்படுகிறது. இதனை ஒட்டி, ஓமந்​தூரார் அரசு பன்னோக்கு உயர் சிறப்பு மருத்​துவமனை மூளை மற்றும் நரம்​பியல் துறை சார்​பில், பக்கவாத நோய் விழிப்பு​ணர்வு பேரணி நடைபெற்​றது. மருத்​துவமனை இயக்​குநர் ஆர்.மணி தலைமை​யில் நடந்த பேரணி​யில் நரம்​பியல் சிகிச்சை பிரிவு துறை தலைவர் ஆர்.எம்​.பூபதி உட்பட மருத்​துவர்​கள், செவிலியர் மாணவிகள் பங்கேற்​றனர். பின்னர், விழிப்பு​ணர்வு கலை நிகழ்ச்​சிகள் நடைபெற்றன.

நிகழ்ச்​சி​யில் நரம்​பியல் சிகிச்​சைத் துறை தலைவர் மருத்​துவர் ஆர்.எம்​.பூபதி பேசி​ய​தாவது: மூளைக்​குச் செல்​லும் ரத்தக் குழாய்​களில் அடைப்பு ஏற்படு​தல், ரத்தக் குழாய்கள் வெடித்து ரத்தப்​போக்கு உருவாகுதல், இதயம் சரியாக வேலை செய்​யாமை மற்றும் மூளை​யி​லிருந்து கெட்ட ரத்தம் அடைபட்டு போதல் உள்ளிட்ட காரணங்​களால் பக்கவாதம் ஏற்படு​கிறது.

இதில், ரத்தக் குழாய் அடைப்​பால்​தான் பெரும்​பாலானோருக்கு பக்கவாதம் வருகிறது. உடலின் ஒரு பக்கத்​தில் திடீரென உணர்​வின்மை அல்லது பலவீனம், திடீர் குழப்​பம், பேசுவ​தில் சிரமம், பேச்சை புரிந்​து​கொள்​வ​தில் சிரமம் உள்ளிட்ட அறிகுறிகள் மூலமாக பக்கவாத பாதிப்பை கண்டறிய முடி​யும்.

பக்கவாத பாதிப்பு ஏற்பட்ட முதல் 6 மணி நேரம் முக்​கிய​மானது. அருகில் உள்ள அரசு மருத்​துவ​மனை​களில் ரத்த உறைவை கரைக்​கும், ‘க்ளாட் பஸ்டர்’ மாத்​திரை போன்ற, ‘த்ரோம்​போலிசிஸ்’ சிகிச்சை முறை வழங்​கப்​படு​கிறது. இந்த சிகிச்​சையை உடனடியாக எடுக்​கா​விட்​டால், மூளை திசுக்கள் அழிந்து, நிரந்தர பக்கவாதமாக மாறி​விடும். 100 நோயாளி​களில் 40 பேர் பக்கவாதம் உள்ளிட்ட நரம்​பியல் சார்ந்த நோய்​களுக்கு சிகிச்​சைக்கு வருகின்​றனர். அவர்​களில், 5 சதவீதத்​துக்கு குறைவானவர்​களே, ஆரம்பத்​தில் கண்டறிந்து சிகிச்​சைக்கு வருகின்​றனர்.

பக்கவாதம் வருவதற்கு உணவு, உடற்​ப​யிற்சி மற்றும் தூக்கம் சரியான முறை​யில் இல்லாதது, உரிய நேரத்​தில் சாப்​பிடாதது, கண்ட நேரங்​களில் துரித உணவு உள்ளிட்​ட​வற்றை சாப்​பிடுதல் உள்ளிட​வையே காரணம். நரம்​பியல் சார்ந்த பாதிப்பு இளம் வயதினரிடையே அதிகரித்​துள்ளது. மது அருந்​துதல், புகைபிடித்தல் போன்ற பழக்​கங்களை தவிர்க்க வேண்​டும். வீட்​டில் சமைக்​கப்​பட்ட உணவு, இரவில் தூக்​கம், சரியான நேரத்​தில் சாப்​பிடுவது ஆகிய​வற்றை கடைபிடித்​தால் பக்கவாதம் போன்ற பாதிப்பு​களி​லிருந்து தற்காத்​துக் கொள்ள முடி​யும். இவ்வாறு அவர் தெரி​வித்​தார்.

மருத்​துவமனை இயக்​குநர் மருத்​துவர் ஆர்.மணி கூறுகை​யில், “நம்​முடைய அன்றாட உணவில் அதிக அளவு எண்ணெய், உப்பு சேர்த்​தலும் பக்கவாதத்​துக்கு காரணமாக இருக்​கிறது. தற்போதைய காலகட்​டத்​தில் உடற்​ப​யிற்சி செய்​யாமல் எங்கு சென்​றாலும் வாகனத்​தில் செல்​கிறோம். சரியான நேரத்​துக்கு தூங்​கு​வ​தில்லை.

இதன் மூலம் மன உளைச்​சல், மன அழுத்தம் உருவாகிறது. எனவே, இந்த 3 வகை பிரச்​சினைகள் இல்லாமல் வாழ்க்கையை கொண்​டு​செல்ல வேண்​டும். அனைத்து அரசு மருத்​துவ​மனை​களி​லும் ​முதலமைச்​சரின் ​விரிவான மருத்​துவக் ​காப்​பீட்டுத் ​திட்​டத்​தின் மூலம், பக்​கவாத பா​திப்​புக்கு இல​வசமாக சிகிச்சை அளிக்​கப்​படு​கிறது” என்​றார்​.