விவசாயிகளுக்கு மத்திய அரசு வழங்கும் உதவித் தொகைக்கு தமிழக அரசு முட்டுக்கட்டை: பாஜக மாநில துணை தலைவர் குற்றச்சாட்டு

தருமபுரி: விவசா​யிகளுக்கு மத்திய அரசு வழங்கி வரும் உதவித்​தொகையை தமிழக விவசா​யிகளிடம் கொண்டு சேர்க்​காமல், திட்​டத்​துக்கு தமிழக அரசு முட்டுக்​கட்டை போடு​கிறது என்று பாஜக மாநில துணைத் தலைவர் கே.பி.ராமலிங்கம் கூறினார்.

தருமபுரி மாவட்டம் பாப்​பாரப்​பட்​டி​யில் உள்ள பாரத மாதா ஆலயத்​தில் 2022-ல் போலீ​ஸாரின் தடையை மீறி நுழைந்தது தொடர்பாக கே.பி.ராமலிங்கம் உள்ளிட்​டோர் மீது பதிவு செய்​யப்​பட்ட வழக்கு, தருமபுரி மாவட்ட கூடுதல் சார்பு நீதி​மன்​றத்​தில் நடந்து வருகிறது. இந்த வழக்கு விசா​ரணை​யில் ஆஜராவதற்காக கே.பி.ராமலிங்கம் உள்ளிட்டோர் தருமபுரி நீதி​மன்​றத்​துக்கு நேற்று வந்தனர்.

அப்போது செய்தி​யாளர்​களிடம் கே.பி.ராமலிங்கம் கூறிய​தாவது: தமிழகத்​துக்கு மத்திய அரசால் வழங்​கப்​பட்ட நிதிக்கான செலவினங்கள் தொடர்பான அறிக்கைச் சான்​றிதழை மத்திய அரசிடம் வழங்​க​வில்லை. இதனால்​தான், தமிழகத்​துக்கு கூடுதல் நிதியை மத்திய அரசால் வழங்க முடி​யாமல் உள்ளது. அதேநேரத்​தில், இந்தியா​விலேயே அதிகமான நிதியை பெற்றிருக்​கும் மாநிலம் தமிழகம் மட்டும்​தான். தமிழக அரசு கேட்​காமலேயே, மத்திய அரசு தமிழகத்​துக்கு அதிக நிதியை வழங்​கி​யுள்​ளது. தமிழக வளர்ச்​சி​யிலும், மக்கள் நலத் திட்​டங்​களைச் செயல்​படுத்து​வ​தி​லும் பாஜக அக்கறை செலுத்தி வருகிறது.

ஆனால், மத்திய அரசு நிதி வழங்​க​வில்லை என்று கூறி மக்களை திமுக ஏமாற்றக் கூடாது. அவர்கள் செய்​யும் தவறுகளை மறைத்து, மத்திய அரசு மீது பழி சுமத்தக் கூடாது. மத்திய அரசு முறை​யாகச் செயல்​படு​கிறது. தமிழக அரசு​தான் முறையற்ற நிர்​வாகம் நடத்தி வருகிறது. தமிழக முதல்வர் இனியாவது தன்னை திருத்​திக் கொள்ள வேண்​டும். மத்திய அரசிடம் இருந்து முறையாக நிதி​யைப் பெற்று, மக்கள் நலத் திட்​டங்​களைச் செயல்​படுத்த வேண்​டும். விவசா​யிகளுக்கு ஆண்டுக்கு ரூ.6,000 வீதம் மத்திய அரசு வழங்கி வரும் உதவித்​தொகையை தமிழக விவசா​யிகளிடம் கொண்டு சேர்ப்​ப​தில் மாநில அரசு சரியாக செயல்​பட​வில்லை. இந்த திட்​டத்​துக்கு தமிழக அரசு வேண்டு​மென்றே முட்டுக்​கட்டை போடு​கிறது.

விரை​வில் மத்திய அரசு சார்​பில் இந்த திட்டம் தொடர்பாக முகாம்​கள் நடத்தி, ​விண்​ணப்​பங்​கள் பெற்று, தகு​தியான அனைத்து ​விவசா​யிகளுக்​கும் உதவித்​தொகை கிடைக்க நட​வடிக்கை எடுக்​கப்​படும்​. இவ்​வாறு அவர் கூறினார்.