எலி மருந்தால் 2 குழந்தைகள் உயிரிழப்பு: பூச்சிக்கொல்லி நிறுவனத்துக்கு ‘சீல்’

சென்னை: சென்னை அருகே குன்​றத்தூரை அடுத்த மணஞ்சேரி, தேவேந்திரன் நகர் பகுதி​யைச் சேர்ந்​தவர் கிரிதரன் (34). இவர் மனைவி பவித்ரா (30), மகள் வைஷாலினி (6), மகன் சாய் சுந்​தரேசன் (1) ஆகியோ​ருடன் வசித்து வந்தார். கிரிதரன் குன்​றத்​தூரில் உள்ள தனியார் வங்கி​யில் மேலா​ளராக பணிபுரிந்து வருகிறார்.

குழந்தை வைஷாலினி, அதே பகுதி​யில் உள்ள தனியார் பள்ளி​யில் யுகேஜி படித்து வந்தார். வீட்​டில் எலி தொந்​தரவு அதிகமாக இருந்​த​தால், எலிகளை கட்டுப்​படுத்து ​வதற்காக சென்னை தியாகராய நகரில் செயல்​பட்டு வரும் பூச்​சிக்கொல்லி நிறு​வனத்தை தொடர்பு கொண்டு விவரத்தை தெரி​வித்​துள்ளார்.

அண்மை​யில் அவரது வீட்டுக்கு வந்த 2 பேர் வீட்​டில் ஆங்காங்கே எலி மருந்தை தெளித்து​விட்டு, வீடு முழு​வதும் எலிகள் வராமல் இருக்க மருந்து அடித்​துள்ளனர். மருந்​திலிருந்து பரவிய நெடி​யால் அனைவருக்​கும் வாந்தி, மயக்கம் ஏற்பட்​டுள்​ளது. இரண்டு குழந்தை​களும் மருத்​துவ​மனைக்கு செல்​லும் வழியிலேயே உயிரிழந்தன. பெற்​றோர் போரூரில் உள்ள ஸ்ரீராமச்​சந்​திரா மருத்​துவ​மனை​யில் சிகிச்சை பெற்று வருகின்​றனர்.

இந்த சம்பவம் தமிழகம் முழு​வதும் பெரும் பரபரப்பை ஏற்படுத்​தியதை தொடர்ந்து, வேளாண்​துறை அதிகாரிகள் விதி​முறை மீறி செயல்​பட்​ட​தால், அந்த தனியார் நிறு​வனத்​தின் உரிமத்தை தற்​காலிகமாக ரத்து செய்​தனர். தொடர்ந்து, நேற்று அந்​நிறு​வனத்​துக்கு சீல்​ வைத்​தனர்.