“அன்பு, அமைதி, செல்வம் நிலைத்து...” - தவெக தலைவர் விஜய் தீபாவளி வாழ்த்து 

சென்னை: “அனைவரின் இல்லங்களிலும், உள்ளங்களிலும் அன்பு, அமைதி, செல்வம், நிலைத்து நீடித்திருக்கட்டும்” என நடிகரும், தமிழக வெற்றிக் கழகத்தின் தலைவருமான விஜய் தீபாவளி வாழ்த்துகளை தெரிவித்துள்ளார்.

இது தொடர்பாக அவர் தனது எக்ஸ் தள பக்கத்தில் வெளியிட்டுள்ள வாழ்த்து பதிவில், “தீப ஒளி வெள்ளத்தில் காரிருள் விலகி, நல் விடியல் பிறக்கட்டும். அனைவரின் இல்லங்களிலும், உள்ளங்களிலும் அன்பு, அமைதி, செல்வம், நிலைத்து நீடித்திருக்கட்டும். தீப ஒளித் திருநாளை பாதுகாப்பாக கொண்டாடி மகிழ்வோம். அனைவருக்கும் இனிய தீப ஒளித் திருநாள் நல்வாழ்த்துகள்” என தெரிவித்துள்ளார்.

விஜய் தற்போது ஹெச்.வினோத் இயக்கத்தில் உருவாகி வரும் 69-வது படத்தில் நடித்து வருகிறார். இந்தப் படத்தின் படப்பிடிப்பு அண்மையில் தொடங்கி நடைபெற்று வருகிறது. இந்தப் படம் அடுத்த ஆண்டு அக்டோபர் மாதம் திரைக்கு வருகிறது. படப்பிடிப்புக்கு நடுவே கட்சி பணிகளிலும் கவனம் செலுத்தி வரும் விஜய், தனது கட்சியின் முதல் மாநில மாநாட்டை அண்மையில் விக்கிரவாண்டியில் நடத்தி முடித்துள்ளது குறிப்பிடத்தக்கது.