சென்னை: சென்னை மயிலாப்பூர் ராமகிருஷ்ணா மடம் சாலையில் உள்ளபி.எஸ். கல்வி சங்கத்தின் 50-ம்ஆண்டு பொன்விழா கொண்டாட் டம், வரும் 31-ம் தேதி (சனிக் கிழமை) தொடங்குகிறது.
பென்னாத்தூர் சுப்பிரமணிய அய்யரால் தொடங்கப்பட்ட பி.எஸ். கல்வி அறக்கட்டளையின்கீழ் 1974-ல் உருவானது பி.எஸ். கல்விசங்கம். இந்த சங்கத்தின் சார்பில்நடத்தப்படும் பல்வேறு பள்ளிகளில் ஆயிரக்கணக்கான மாணவ,மாணவிகள் பயின்று வருகின்றனர்.
இந்நிலையில், இந்த கல்வி சங்கத்தின் பொன் விழா ஆண்டு தொடக்கநிகழ்ச்சி, 31-ம் தேதி (சனி) மாலை மயிலாப்பூரில் நடைபெறுகிறது.
இந்நிகழ்ச்சியில் இந்திய அணுசக்தி துறையின் முன்னாள் தலைவர் ஆர்.சிதம்பரம், சென்னை ஐ.ஐ.டி. இயக்குநர் வி.காமகோடி ஆகியோர் பங்கேற்று பொன்விழா கொண்டாட்டங்களைத் தொடங்கி வைக்கின்றனர். இவர்கள் இருவரும் பி.எஸ். பள்ளிகளின் முன்னாள் மாணவர்கள் என்பது குறிப்பிடத்தக்கது.
» பாகிஸ்தானில் இருந்து வந்த கிறிஸ்தவருக்கு குடியுரிமை: சிஏஏ சட்டத்தின் கீழ் வழங்கப்பட்டது
செப்.7-ல் நிறைவு விழா: செப்.7-ம் தேதி (சனி) மாலை நடைபெறும் பொன்விழா ஆண்டு கொண்டாட்டத்தின் நிறைவு நாள் நிகழ்ச்சியில் ஆளுநர் ஆர்.என்.ரவி பங்கேற்கிறார். இந்நிகழ்ச்சிக்கான ஏற்பாடுகளை பி.எஸ். கல்வி சங்கத்தின் தலைவர் கே.வி.எஸ்.கோபாலகிருஷ்ணன், செயலாளர் சி.வி.கிருஷ்ணன் மற்றும் சங்க உறுப்பினர்கள், ஆசிரியர்கள் செய்து வருகின்றனர்.