சென்னை: சென்னை வானிலை ஆய்வு மைய இயக்குநர் பா.செந்தாமரைக்கண்ணன் கூறியிருப்பதாவது:
தென்னிந்திய பகுதிகளின் மேல் வளிமண்டல கீழடுக்குகளில், காற்றின் திசை மாறுபடும் பகுதி நிலவுகிறது. இதனால் இன்று (மே 8) தமிழகத்தில் ஒருசில இடங்களிலும், புதுச்சேரி மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோமீட்டர் வரை) லேசானது முதல் மிதமான மழை பெய்யும். நீலகிரி, கோயம்புத்தூர், திருப்பூர், தேனி, திண்டுக்கல், விருதுநகர், தென்காசி, திருநெல்வேலி, ஈரோடு, சேலம், தருமபுரி, கிருஷ்ணகிரி, வேலூர், திருப்பத்தூர் ஆகிய 14 மாவட்டங்களில் ஓரிரு இடங்களில் கனமழை பெய்யும்.
மே 9-ம் தேதி தமிழகத்தில்ஒருசில இடங்களிலும், புதுச்சேரி, காரைக்கால் பகுதிகளிலும் இடி மின்னல், பலத்த காற்றுடன் லேசானது முதல் மிதமான மழை பெய்யும். நீலகிரி, கோயம்புத்தூர், திண்டுக்கல், தேனி, தென்காசி, விருதுநகர், திருநெல்வேலி, ஈரோடுஆகிய 8 மாவட்டங்களில் ஓரிரு இடங்களில் கனமழை பெய்யும்.
மே 10 மற்றும் 11-ம் தேதிகளில் தமிழகத்தில் ஒருசில இடங்களிலும், புதுச்சேரி, காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழைபெய்யும்.மே 12 மற்றும் 13-ம் தேதிகளில் தமிழகத்தில் ஒருசில இடங்களிலும், புதுச்சேரி, காரைக்கால் பகுதிகளிலும் லேசானது முதல் மிதமான மழை பெய்யும்.
» ஆஸ்திரேலியாவை தொடர்ந்து இந்தியாவில் பிஏஎஸ்எஃப் நிறுவன பூச்சிக்கொல்லி மருந்து அறிமுகம்
» ஈரோடு அருகே சாலையில் வேன் கவிழ்ந்தது - ரூ.666 கோடி தங்கம் மீட்பு
மே 8 முதல் 11-ம் தேதி வரை4 நாட்களில் அதிகபட்ச வெப்பநிலை 35.6 டிகிரி பாரன்ஹீட் வரைபடிப்படியாக குறையும். மே 8 முதல் 11-ம் தேதி வரை உள் மாவட்டங்களில் ஒருசில இடங்களில் அதிகபட்ச வெப்பநிலை இயல்பைவிட 37.4 டிகிரி பாரன்ஹீட் அதிகமாக இருக்கக்கூடும்.
வட தமிழக உள் மாவட்டங்களின் சமவெளி பகுதிகளில் ஒருசில இடங்களில் அதிகபட்சம் 109.4டிகிரி பாரன்ஹீட், கடலோர தமிழக மாவட்டங்கள் புதுச்சேரி, காரைக்கால் பகுதிகளில் 100.4 டிகிரி பாரன்ஹீட் வரை அதிகபட்ச வெப்பநிலை இருக்கக்கூடும்.
மே 8 முதல் 11-ம் தேதி வரைகாற்றின் ஈரப்பதம் தமிழக உள் மாவட்டங்களின் சமவெளி பகுதிகளில் பிற்பகலில் 40-55 சதவீதமாகவும் மற்ற நேரங்களில் 50-85 சதவீதமாகவும் கடலோரப்பகுதிகளில் 55-85 சதவீதமாகவும் இருக்கக்கூடும்.அதிக வெப்பநிலை, அதிக ஈரப்பதம் இருக்கும்போது, தமிழகம், புதுச்சேரி, காரைக்கால் பகுதிகளில் ஓரிரு இடங்களில்அசவுகரியம் ஏற்படலாம்.