சென்னை: காவல் துறையில் மோப்ப நாய் பிரிவில் ‘பெல்ஜியன் ஷெப்பர்டு’ வகையைச் சேர்ந்த 3 நாய்கள் புதிதாக சேர்க்கப்பட்டுள்ளன.கொலை, கொள்ளை உட்பட பல்வேறு குற்ற வழக்குகளில் போலீஸார் துப்பு துலக்குவதில் மோப்ப நாய்களின் பங்கும் உள்ளது.
சென்னை பெருநகர காவல் துறையின் மோப்ப நாய் பிரிவு கீழ்ப்பாக்கம் மற்றும் புனித தோமையர் மலை ஆகிய 2 இடங்களில் உதவி ஆய்வாளர்கள் தலைமையில் இயங்கி வருகிறது. இங்குள்ள மொத்தம் 21 மோப்ப நாய்களுக்கு உயர்ரக பயிற்சிகள் வழங்கப்பட்டு பராமரிக்கப்பட்டு வருகிறது.
தற்போது சென்னை காவல் துறை மோப்ப நாய் பிரிவில் புதிதாக பெல்ஜியன் ஷெப்பர்டு வகையைச் சேர்ந்த 3 மாதங்களான 3 நாய் குட்டிகள் இணைக்கப்பட்டுள்ளன.இவற்றுக்கு `கார்லோஸ்', `சார்லஸ்'மற்றும் `லாண்டோ' என காவல் ஆணையர் சந்தீப் ராய் ரத்தோர் பெயர் சூட்டினார்.
» பாஜக, காங். வேட்பாளரின் ஆதரவாளர்களிடம் பணம் பறிமுதல்; அமலாக்க துறை விசாரணை கோரிய மனு தள்ளுபடி
புதிய நாய்க்குட்டிகளுக்கு காவல் துறையின ருடன் ஒருங்கிணைந்து பணியாற் றும் வகையில் பிரத்யேக பயிற்சி கள் வழங்கப்பட உள்ளது.மேலும், ஏற்கெனவே ஓய்வுபெற்ற 5 நாய்களின் நல்வாழ்வை உறுதி செய்யும் வகையில் மாதவரம் நாய்கள் பராமரிக்கும் இடத்தில் பராமரிக்கப்பட்டு வருகின்றன.