மோடி Vs கனிமொழி, இமாச்சல் பரபரப்பு, சாந்தன் மறைவு மற்றும் பல... | செய்தித் தெறிப்புகள் 10 @ பிப்.28, 2024

“தமிழகத்தில் மத்திய அரசின் திட்டங்கள் இருட்டடிப்பு” - பிரதமர் மோடி: தமிழகம் பயணம் மேற்கொண்ட பிரதமர் மோடி புதன்கிழமை தூத்துக்குடி மாவட்டம் குலசேகரப்பட்டினத்தில் ராக்கெட் ஏவுதளம் அமைப்பதற்காக அடிக்கல் நாட்டினார். ரூ.17,300 கோடி மதிப்பிலான திட்டங்களைத் தொடங்கி வைத்துப் பேசிய அவர், “தமிழகத்தில் மத்திய அரசின் திட்டங்கள் குறித்து செய்தித்தாள்களில் தமிழக அரசு வெளியிடுவதில்லை. எத்தனை தடைகள் வந்தாலும், அந்தத் தடைகளை தாண்டி தமிழகத்தில் வளர்ச்சிக்கான திட்டங்களை மத்திய அரசு செயல்படுத்தியே தீரும்” என்று குற்றம்சாட்டினார்.