ஐஜேகே கட்சியின் பொதுச்செயலாளர் பி.ஜெயசீலன் வெளியிட்ட அறிக்கை: மக்களவை தேர்தலில் தமிழகம் மற்றும் புதுச்சேரியில் 40 தொகுதிகளிலும் இந்திய ஜனநாயக கட்சி (ஐஜேகே) சார்பில் போட்டியிட விருப்பம் உள்ளவர்கள் இன்று முதல் (பிப்.24) விருப்ப மனுக்களை பெறலாம்.
சென்னை அசோக் நகரில் உள்ள கட்சியின் தலைமை அலுவலகத்திலும், திருச்சியின் நம்பர்-1 டோல்கேட் அருகே உள்ள ஐஜேகே அலுவலகத்திலும் 24 முதல் 29-ம் தேதி வரை விருப்ப மனுக்கள் வழங்கப்படும்.
விருப்பமுள்ளவர்கள் விருப்ப மனுக்களை பெற்று வரும் மார்ச் 1-ம் தேதிக்குள் பூர்த்தி செய்து சமர்ப்பிக்குமாறு அறிவுறுத்தப்படுகிறது. பொதுத்தொகுதிக்கு ரூ.25 ஆயிரமும், தனித்தொகுதிக்கு ரூ.15 ஆயிரமும் என விருப்பமனு கட்டணமாக நிர்ணயிக்கப்பட்டுள்ளது.