பிரேமலதாவின் கூட்டணி ‘நிபந்தனை’ முதல் நேரு மீதான மோடி விமர்சனம் வரை | செய்தித் தெறிப்புகள் 10 @ பிப்.7, 2024

உதகையில் கட்டிடம் இடிந்து விபத்து: 6 பெண்கள் உயிரிழப்பு: உதகை லவ்டேல் பகுதியில் கட்டுமான பணியின்போது, மண் சரிந்ததில் புதைந்து 6 பெண் தொழிலாளர்கள் பரிதாபமாக உயிரிழந்தனர்.

உதகை லவ்டேல் பகுதியில் கட்டுமான பணியின்போது மண் சரிவில் சிக்கி உயிரிழந்தவர்களின் குடும்பத்தினருக்கு தமிழக முதல்வர் மு.க.ஸ்டாலின் இரங்கல் தெரிவித்துள்ளார். மேலும், உயிரிழந்த 6 பேரின் குடும்பத்துக்கு தலா ரூ.2 லட்சமும், காயமடைந்தவர்களுக்கு தலா ரூ.50 ஆயிரமும் நிவாரணமாக வழங்க உத்தரவிட்டுள்ளார்.