சென்னை | 5 மண்டலங்களில் 2 நாட்களுக்கு குடிநீர் வராது

சென்னை: மாதவரம் மண்டலம், ரெட்டேரி சந்திப்பு அருகில்200 அடி சாலையில் அமைந்துள்ள சேவை சாலையில் குடிநீர் குழாய் இணைப்பு பணிகள் சென்னை மெட்ரோ ரயில் நிறுவனத்தால் (CMRL) நாளை(ஜன.19) காலை 9 மணி முதல் 20-ம் தேதி மாலை 6 மணி வரை நடைபெற உள்ளன. எனவே,திரு.வி.க.நகர், அம்பத்தூர், அண்ணா நகர்,தேனாம்பேட்டை, கோடம்பாக்கம் ஆகிய 5 மண்டலங்களில் குழாய்கள் மூலம் வழங்கப்படும் குடிநீர் விநியோகம் நிறுத்தப்பட உள்ளது.

எனவே, பொதுமக்கள் முன்னெச்சரிக்கையாக, வேண்டிய அளவு குடிநீரை சேமித்துவைத்துக் கொள்ளுமாறு அறிவுறுத்தப்படுகிறார்கள். அவசரத் தேவைகளுக்கு லாரிகள் மூலம் (Dial for Water) குடிநீர் பெற்றுக்கொள்ள வாரியத்தின் https://cmwssb.tn.gov.in என்ற இணையதள முகவரியைப் பயன்படுத்தி பதிவு செய்து கொள்ளலாம். சென்னை குடிநீர் வாரியம் இத்தகவலை தெரிவித்துள்ளது.