முரசொலி நில விவகாரத்தில் ஐகோர்ட் அதிரடி முதல் அயோத்தி ‘அரசியல்’ வரை | செய்தித் தெறிப்புகள் 10 @ ஜன.10, 2024

போக்குவரத்து தொழிலாளர்கள் வேலைநிறுத்தம் தற்காலிக வாபஸ்: 6 அம்ச கோரிக்கைகளை வலியுறுத்தி கடந்த இரண்டு நாட்களாக தமிழகம் முழுவதும் நடந்துவரும் போக்குவரத்து தொழிலாளர்களின் வேலைநிறுத்தப் போராட்டத்தை வரும் ஜனவரி 19-ம் தேதி வரை நிறுத்திவைப்பதாக சென்னை உயர் நீதிமன்றத்தில் போக்குவரத்து தொழிற்சங்கங்கள் தெரிவித்துள்ளன.

இந்த வேலைநிறுத்தத்துக்கு எதிரான வழக்கின்போது, “தமிழகத்தில் பொங்கல் பண்டிகை இன்னும் சில தினங்களில் கொண்டாடப்படவுள்ளது. ஏற்கெனவே அரசும் 19-ம் தேதி பேச்சுவார்த்தை நடத்தவிருப்பதாக தகவல் தெரிவித்துள்ளது. எனவே, பொங்கல் பண்டிகை முடியும் வரை இந்த வேலைநிறுத்தப் போராட்டத்தை ஏன் தள்ளிவைக்கக் கூடாது?” என்று தொழிற்சங்கங்களுக்கு தலைமை நீதிபதி கேள்வி எழுப்பினார்.