கேஜ்ரிவால் விவகாரம் முதல் மோடி - உதயநிதி சந்திப்பு வரை | செய்தித் தெறிப்புகள் 10 @ ஜன.4, 2024 

தமிழகத்துக்கான நிதி: நிர்மலா சீதாராமன் விளக்கம்: “தமிழகத்துக்கு மத்திய அரசு ஒன்றுமே கொடுப்பதில்லை என்று சொல்கிறார்கள். தமிழகத்துக்கு மத்திய அரசு நிறைய கொடுத்துள்ளது. நான்கு வந்தே பாரத் ரயில்கள் தமிழகத்தில் இயக்கப்படுகின்றன. 2014 முதல் 2023 வரை தமிழகத்தில் இருந்து மத்திய அரசு பெற்ற வரி 6 புள்ளி 23 லட்சம் கோடி ரூபாய். அதேநேரம் தமிழகத்துக்கு மத்திய அரசு வழங்கிய நிதி 6 புள்ளி 96 லட்சம் கோடி ரூபாய். தமிழகத்தில் இருந்து பெற்ற வரியை விட கூடுதலாகவே நிதி கொடுத்துள்ளோம். தமிழகம், கேரளா உள்ளிட்ட அனைத்து மாநிலங்களுக்கும் மாதம் தோறும் தவறாமல் நிதி கொடுத்து வருகிறோம்” என மத்திய நிதியமைச்சர் நிர்மலா சீதாராமன் தெரிவித்துள்ளார்.