விஜயகாந்த் உடல்நல பாதிப்பு முதல் மிக கனமழை எச்சரிக்கை வரை | செய்தித் தெறிப்புகள் 10 @ நவ.29, 2023

‘விஜயகாந்த் உடல்நிலை சீராக இல்லை’ - மருத்துவமனை: தேமுதிக தலைவர் விஜயகாந்த் உடல்நிலை சீராக இல்லை என்று சென்னை - மியாட் மருத்துவமனை தெரிவித்துள்ளது. இது குறித்து அந்த மருத்துவமனை தரப்பில் வெளியிடப்பட்டுள்ள செய்திக் குறிப்பில், “விஜயகாந்த் உடல்நலத்தில் நல்ல முன்னேற்றம் காணப்பட்டது. எனினும், கடந்த 24 மணி நேரத்தில் அவரது உடல்நிலை சீரான நிலையில் இல்லாததால், அவருக்கு நுரையீரல் சிகிச்சைக்கான உதவி தேவைப்படுகிறது. அவர் விரைவில் பூரண உடல்நலம் பெறுவார் என்று நம்புகிறோம். அவருக்கு இன்னும் 14 நாட்கள் மருத்துவமனையில் தொடர் சிகிச்சை தேவைப்படுகிறது” எனத் தெரிவிக்கப்பட்டுள்ளது. விஜயகாந்த் விரைவில் நலம் பெற வேண்டும் என்று அரசியல் கட்சித் தலைவர்கள், பிரபலங்கள் மற்றும் நெட்டிசன்கள் விருப்பம் தெரிவித்து வருகின்றனர்.