ராமநாதபுரத்தில் 16 குடிசை வீடுகள் சேதம்; தொண்டியில் அதிகபட்சமாக 95.4 மி.மீ. மழை பதிவு

ராமநாதபுரம்: ராமநாதபுரம் மாவட்டத்தில் அதிக பட்சமாக தொண்டியில் 95.4 மி.மீ மழை பதிவானது. மழையால் மாவட்டத்தில் 16 குடிசை வீடுகள் சேதமடைந்தன.

ராமநாதபுரம் மாவட்டத்தில் நேற்று காலை வரையிலான 24 மணி நேரத்தில் பதிவான மழையளவு விவரம் (மி.மீ.ல்) அதிகபட்சமாக தொண்டியில்- 95.4, கடலாடி- 9, வாலி நோக்கம்- 62, கமுதி- 18.2, பள்ளமோர்குளம்- 3, முதுகுளத்தூர்- 25, பரமக்குடி- 48.2, ஆர்.எஸ்.மங்கலம்-46, ராமநாதபுரம்- 40.2, பாம்பன்- 1, ராமேசுவரம்- 1.3, தங்கச்சிமடம்- 4, தீர்த்தாண்டதானம்- 63.3, திருவாடானை- 73.4, வட்டாணம்- 56.4, மண்டபம்- 0.6.

ராமநாதபுரத்தில் நேற்று முன்தினம் நள்ளிரவு தொடங்கி விடிய விடிய மழை பெய்தது. அதனால் நகரில் பல இடங்களில் சாலைகளில் மழைநீர் தேங்கியது. மாவட்டத்தில் இதுவரை மழையால் 15 குடிசை வீடுகள் பகுதியாகவும், ஒரு வீடு முழுமை யாகவும் சேதமடைந்துள்ளன.