தீபாவளி சிறப்பு பேருந்துகள் முதல் வெங்காய விலை அதிகரிப்பு வரை | செய்தித் தெறிப்புகள் 10 @ அக்.28, 2023

பசும்பொன்னில் 2 மண்டபங்கள்: முதல்வர் ஸ்டாலின் அறிவிப்பு: “பசும்பொன் முத்துராமலிங்கத் தேவர் நினைவிடத்தின் முகப்பில் பொதுமக்கள் பாதுகாப்பாக அஞ்சலி செலுத்தும் வகையில் ஒரு கோடியே 43 லட்ச ரூபாய் செலவில் ஒரு மண்டபமும், மிக முக்கிய பிரமுகர்கள் அஞ்சலி செலுத்தும் வகையில் 12 லட்சத்து 54 ஆயிரம் ரூபாய் மதிப்பில் மற்றொரு மண்டபமும் கட்டப்படும்” என்று முதல்வர் மு.க.ஸ்டாலின் அறிவித்துள்ளார்.

தீபாவளி விடுமுறைக்கு 16,895 பேருந்துகள் இயக்கம்: தமிழக அரசு: தீபாவளி பண்டிகையை முன்னிட்டு பொது மக்கள் தங்களின் சொந்த ஊர்களுக்கு செல்வதற்கு வசதியாக நவம்பர் 9-ம் தேதி முதல் 11-ம் தேதி வரை தமிழகம் முழுவதும் 16,895 சிறப்புப் பேருந்துகள் இயக்கப்படும் என தமிழக போக்குவரத்துத் துறை அமைச்சர் சிவசங்கர் தெரிவித்துள்ளார்.