பேரவையில் காரசார வாதம் முதல் இஸ்ரேல் கட்டுப்பாட்டில் காசா வரை | செய்தித் தெறிப்புகள் 10 @ அக்.10, 2023

95,000 சிறு வணிகர்களின் வரி நிலுவைத் தொகை தள்ளுபடி: "சமாதான திட்டத்தின கீழ் வரி மதிப்பீட்டு ஆண்டில், ரூ. 50,000-க்கும் குறைவாக வரி, வட்டி, அபராதத் தொகை செலுத்த வேண்டிய வணிகர்களுக்கு இந்நிலுவைத் தொகையானது முற்றிலுமாக தள்ளுபடி செய்யப்படும். அரசின் இந்த முடிவால், 1 லட்சத்து 40 ஆயிரத்து 398 வழக்குகளில் சம்பந்தப்பட்டுள்ள 95 ஆயிரத்து 602 சிறு வணிகர்கள் பயனடைவார்கள்" என்று சட்டப்பேரவையில் 110 விதியின் கீழ் தமிழக முதல்வர் மு.க.ஸ்டாலின் அறிவிப்பை வெளியிட்டுள்ளார்.

இஸ்லாமிய சிறைவாசிகளை விடுவிக்க கவன ஈர்ப்புத் தீர்மானம்:தமிழக சிறைச்சாலைகளில் உள்ள இஸ்லாமிய சிறைவாசிகள் விடுதலை தொடர்பாக சட்டப்பேரவையில், மனிதநேய மக்கள் கட்சி எம்எல்ஏ ஜவாஹிருல்லா சட்டமன்ற எதிர்க்கட்சித் தலைவர் எடப்பாடி பழனிசாமி ஆகியோர் கவன ஈர்ப்புத் தீர்மானம் கொண்டு வந்தனர்.