‘விஸ்வகர்மா’வுக்கு திமுக எதிர்ப்பு முதல் காங். ஊடக ‘புறக்கணிப்பு’ வரை | செய்தித் தெறிப்புகள் 10 @ செப்.16,  2023

காவிரி பிரச்சினை: முதல்வர் ஸ்டாலின் தகவல்: காவிரி நீர் அளிக்காததற்கு உண்மைக்கு புறம்பான பல காரணங்களை ஒன்றிய ஜல் சக்தி அமைச்சரிடம் கர்நாடக அரசு தெரிவித்திருப்பது ஏற்கதக்கதல்ல. தமிழ்நாட்டுக்கு சேரவேண்டிய நீரை கர்நாடகம் உடனடியாக விடுவித்திட ஒன்றிய அரசு உத்தரவிட வேண்டும் என வலியுறுத்தி, ஜல் சக்தி அமைச்சரிடம் தமிழக நீர்வளத் துறை அமைச்சர் துரைமுருகனின் தலைமையில் தமிழகத்தின் அனைத்து கட்சி நாடாளுமன்ற உறுப்பினர்கள் கோரிக்கை மனு அளிப்பார்கள் என்று முதல்வர் மு.க.ஸ்டாலின் தெரிவித்துள்ளார்.