வட்டார கல்வி அலுவலர் பணிக்கான தேர்வுக்கு ஹால்டிக்கெட் வெளியீடு

சென்னை: தமிழ்நாடு அரசுத் தேர்வுகள் இயக்ககம் வெளியிட்டுள்ள செய்திக்குறிப்பில் கூறியிருப்பதாவது: 2019-20, 2021-22-ம் ஆண்டுகளுக்கான, வட்டாரக் கல்வி அலுவலர் பணியிடங்களுக்கான தேர்வு செப். 10-ம் தேதி நடைபெற உள்ளது. இந்த தேர்வை எழுத 42,712 பேர் விண்ணப்பித்துள்ளனர்.

தேர்வர்களுக்கான ஹால்டிக்கெட் https://www.trb.tn.gov.in என்ற இணையதளத்தில் பதிவேற்றம் செய்யப்பட்டுள்ளது. வரும் 25-ம்தேதி வரை தேர்வர்கள் விண்ணப்பத்தை பதிவிறக்கம் செய்துகொள்ளலாம். இவ்வாறு செய்திக்குறிப்பில் தெரிவிக்கப்பட்டுள்ளது.