ஆர்.கே.நகர் தேர்தல் அதிகாரி மாற்றம்: விஷால் வரவேற்பு

ஆர்.கே.நகர் தேர்தல் அதிகாரியை மாற்றியதை வரவேற்கிறேன் என்று விஷால் தெரிவித்திருக்கிறார்.

ஆர்.கே.நகர் இடைத்தேர்தலில் விஷாலின் வேட்புமனு பலதரப்பட்ட சர்ச்சைகளுக்குப் பிறகு நிராகரிக்கப்பட்டது. பல்வேறு சர்ச்சைகள் நிலவியதைத் தொடர்ந்து ஆர்.கே.நகரின் தேர்தல் அதிகாரி வேலுச்சாமி மாற்றப்பட்டு ப்ரவீன் நாயர் நியமிக்கப்பட்டு இருக்கிறார்.

இந்த மாற்றம் தொடர்பாக விஷால் தனது ட்விட்டர் பக்கத்தில் தெரிவித்திருப்பதாவது:

என்னுடைய வேட்புமனுவை நிராகரித்ததன் மீதான அனைத்துக் குற்றச்சாட்டுகளுக்கும் இடையே, ஆர்.கே.நகர் தேர்தல் அதிகாரியை மாற்றியதை வரவேற்கிறேன்.

ஜனநாயகத்தை மீட்பதற்கான இயக்கத்தின் முதல் வெற்றி என்று இதனை உணர்கிறேன். ஆர்.கே.நகர் மக்கள் நியாயமான தேர்தலை காண்பார்கள் என்று உண்மையாக நம்புகிறேன், அவர்கள் சார்பாக இந்திய தேர்தல் ஆணையத்திற்கு நன்றி தெரிவித்துக் கொள்கிறேன்.

இவ்வாறு விஷால் தெரிவித்திருக்கிறார்.