கலைஞர் நூலகம் திறப்பு முதல் பொது சிவில் சட்ட எதிர்ப்பு வரை | செய்தித் தெறிப்புகள் 10 @ ஜூலை 15, 2023

மதுரை கலைஞர் நூலகத்தை திறந்தார் முதல்வர் ஸ்டாலின்: மதுரை - நத்தம் சாலையில் நவீன கட்டுமான அம்சங்களுடன் கலைஞர் நூற்றாண்டு நூலகம் கட்டி முடிக்கப்பட்டது. இக்கட்டிடத்துக்காக மொத்தம் ரூ. 215 கோடி வரை செலவிடப்பட்டுள்ளது. இதில் ரூ.60 கோடிக்கு புத்தகங்கள், ரூ. 18 கோடிக்கு தளவாடப் பொருட்கள், புத்தகங்களை அடுக்கி வைக்கத் தேவையான ரேக்குகளும், கட்டுமானத்துக்காக ரூ.130 கோடியும் ஒதுக்கப்பட்டது.

இந்த பிரம்மாண்ட கலைஞர் நூற்றாண்டு நூலகத்தை முதல்வர் மு.க.ஸ்டாலின் சனிக்கிழமை திறந்து வைத்தார். அதேபோல், கலைஞர் நூற்றாண்டு நூலக வளாகத்தில் உள்ள கருணாநிதி சிலையை முதல்வர் மு.க.ஸ்டாலின் திறந்து வைத்தார்.