சென்னை: சென்னையில் இருந்து மதுரை, கொச்சி, கோவாவுக்கு விமான சேவை அதிகரிக்கப்பட்டுள்ளன.
சென்னையில் இருந்து மதுரைக்கு தினமும் 6 விமானங்களும், மதுரையில் இருந்து சென்னைக்கு தினமும் 6 விமானங்களும் இயக்கப்பட்டு வந்தன. நேற்று முதல் சென்னை - மதுரை - சென்னை இடையே இருந்த 12 விமான சேவைகள் 16 சேவைகளாக அதிகரிக்கப்பட்டுள்ளன. இது தென் மாவட்ட மக்களிடையே மகிழ்ச்சியை ஏற்படுத்தியுள்ளது. அதேபோல், சென்னை - கொச்சி- சென்னை இடையே இருந்த 8 விமான சேவைகள் 10 ஆகவும் அதிகரிக்கப்பட்டுள்ளன.
சுற்றுலாப் பயணிகள் அதிகமாக செல்லக்கூடிய கோவாவுக்குசென்னையில் இருந்து இதுவரையில் காலை ஒரு விமான சேவை, மாலை ஒரு விமான சேவை என்று 2 விமான சேவைகள் மட்டும் இருந்தன. கோவாவில் இருந்து சென்னைக்கு தினமும் 2 விமான சேவைகள் இருந்து. சுற்றுலாப் பயணிகளின் எண்ணிக்கை அதிகரிக்கத் தொடங்கியுள்ளதால், நேற்றில் இருந்து மதியம் 1.50 மணிக்கு சென்னையில் இருந்து கோவாவுக்கும், மாலை 6.55 மணிக்கு கோவாவில் இருந்து சென்னைக்கும் கூடுதலாக விமான சேவை தொடங்கப்பட்டுள்ளது.