சென்னை: தமிழக காவல் துறையின் உளவுப் பிரிவு கூடுதல் டிஜிபியாக இருந்த எஸ்.டேவிட்சன் தேவாசீர்வாதம் இடமாற்றம் செய்யப்பட்டுள்ளார். சட்டம் - ஒழுங்கு கூடுதல் டிஜிபியாக அருண் நியமிக்கப்பட்டுள்ளார்.
இதுதொடர்பாக உள்துறை செயலர் பி.அமுதா நேற்று பிறப்பித்த உத்தரவு: தமிழக காவல் துறையின் உளவுப் பிரிவுகூடுதல் டிஜிபியாக இருந்த எஸ்.டேவிட்சன் தேவாசீர்வாதம், தலைமையிட கூடுதல் டிஜிபியாக நியமிக்கப்பட்டுள்ளார்.
ஆவடி காவல் ஆணையராக இருந்த ஏ.அருண், சட்டம் - ஒழுங்கு கூடுதல் டிஜிபியாகபணியமர்த்தப்பட்டுள்ளார். அப்பொறுப்பில் இருந்த கே.சங்கர், ஆவடி காவல் ஆணையராக நியமிக்கப்பட்டுள்ளார்.
இதேபோல, உளவுப் பிரிவு ஐ.ஜி.யாக உள்ளகே.ஏ.செந்தில் வேலன், உளவுப் பிரிவு கூடுதல் டிஜிபி பொறுப்பையும் கூடுதலாக கவனிப்பார். இவ்வாறு அதில் கூறப்பட்டுள்ளது.
» ரூ.9.97 கோடியில் கழிவுநீர் சுத்திகரிப்பு நிலையம் - மானாமதுரையில் தூய்மையாகும் வைகை நதி
» மேட்டூர் அணையில் இருந்து டெல்டா பாசனத்திற்கு நீர் திறப்பு 13 ஆயிரம் கன அடியாக அதிகரிப்பு
தலைமை டிஜிபி சைலேந்திர பாபு வரும் ஜூன் 30-ம் தேதி ஓய்வு பெறுகிறார். அந்த பதவிக்கான அறிவிப்பும், அதைத் தொடர்ந்து சென்னை காவல் ஆணையர் உள்ளிட்ட முக்கிய பதவிகளுக்கான அறிவிப்பும் ஓரிரு நாளில் வெளியாக உள்ளது.