சென்னை | புறநகர் ரயில் சேவையில் மாற்றம்

சென்னை: சென்னை சென்ட்ரல் - அரக்கோணம் வழித்தடத்தில், பேசின்பாலம் - வியாசர்பாடி ஜீவா இடையே பொறியியல் பணி காரணமாக, புறநகர் ரயில் சேவையில் மாற்றம் செய்யப்பட உள்ளது.

மூர் மார்க்கெட் வளாகம்-பட்டாபிராமுக்கு ஜூன் 13-ம் தேதி இரவு 10.35 மணிக்கு இயக்கப்படும் மின்சார ரயில், மூர்மார்க்கெட் வளாகம்-ஆவடிக்கு ஜூன் 13-ம் தேதி இரவு 11.30 மணிக்கு இயக்கப்படும் மின்சார ரயில், பட்டாபிராம் மிலிட்டரி சைடிங்-மூர்மார்க்கெட் வளாகத்துக்கு இரவு 11.55 மணிக்கு இயக்கப்படும் மின்சார ரயில் ஆகியவை ரத்து செய்யப்பட உள்ளன.

மூர்மார்க்கெட் வளாகம்-பட்டாபிராம் மிலிட்டரி சைடிங்-க்கு ஜூன் 14-ம் தேதி அதிகாலை 4.15 மணிக்கு இயக்கப்படும் மின்சார ரயில், ஆவடி - மூர்மார்க்கெட் வளாகத்துக்கு ஜூன் 14-ம் தேதி அதிகாலை

3.50 மணிக்கு இயக்கப்படும் மின்சார ரயில், பட்டாபிராம் மிலிட்டரி சைடிங்-மூர்மார்க்கெட் வளாகத்துக்கு ஜூன் 14-ம் தேதி இயக்கப்படும் மின்சார ரயில், ஆவடி-மூர்மார்க்கெட் வளாகத்துக்கு ஜூன் 14-ம் தேதி அதிகாலை 4 மணிக்கு இயக்கப்படும் மின்சார ரயில் ஆகியவை ரத்து செய்யப்பட உள்ளன.