தியாகவல்லி | அழகிய வெண்மணல் கடற்கரை

வெண்மணல் கடற்கரைக்கு கோவாவுக்கோ அந்தமானுக்கோ செல்ல வேண்டாம்; தியாகவல்லியிலேயே அழகிய வெண்மணல் கடற்கரை இருக்கிறது. சிதம்பரத்திலிருந்து கடலூருக்குச் செல்லும் வழியில் தியாகவல்லி எனும் சிறிய அழகிய கடற்கரை கிராமம் அமைந்திருக்கிறது. விவசாயமும் மீன் பிடிப்பதும் இங்குள்ள மக்களின் முக்கியத் தொழில்கள்.

கிராமத்துக்குள் நுழைவதற்கு முன்பு வலது பக்கத்தில் மண்ணில் கிளை பரப்பியிருக்கும் சில முந்திரி மரங்களைக் கடந்து சென்றால், சில நிமிடங்களில் காற்றின் திசைக்கு ஏற்ப உருவம் மாறும் மணல் குன்று காணப்படும்.