பயண அனுபவங்கள்: காஷ்மீர் போர்வையும் மாம்பழக் கூடையும்

கல்லூரித் தேர்வு முடிந்து, பகல் நேர விரைவு ரயிலில் முன்பதிவு செய்யப்படாத வகுப்பில் பயணம் செய்து கொண்டிருந்தேன். தேர்வு முடிந்த மகிழ்ச்சியும் ஊருக்குச் செல்கிற பரவசமும் என்னைச் சுற்றி நடந்த விஷயங்களை ரசிக்க வைத்துக்கொண்டிருந்தன.

விழுப்புரம் சந்திப்பில் இரண்டு மாம்பழக் கூடைகளுடன் ஒருவர் ஏறினார். என் அருகே ஒரு பழக்கூடையை வைத்துவிட்டு, “தம்பி, பத்திரமா பார்த்துக்க. நான் இந்தக் கூடையை வித்துட்டு வரேன்” என்று என்னிடம் சொல்லிவிட்டு, “மாம்பழம்... மாம்பழம்...” எனக் கூவிக்கொண்டே சென்றுவிட்டார்.