நினைவோ ஒரு பறவை: திண்ணையில் யாரு?

அந்தக் காலத்தில் கிராமங்களில் சிறு சிறு குடிசை வீடுகள்தான் இருந்தன. குடிசையின் இரண்டு பக்கங்களிலும் மண்ணாலான பெரிய பெரிய திண்ணைகள் இருந்தன. தினமும் சாணி போட்டு மெழுகுவதால் அவை குளிர்ச்சியாகவும் பசுமையாகவும் இருக்கும்.

வீட்டுக்கு வந்த விருந்தினர்கள் உட்கார, தானியங்களைக் காயப்போட, இரவு சாப்பிடவும் தூங்கவுமாகத் தினமும் காடுகளில் உழைத்து வரும் விவசாயிகளுக்கும் ஆடு, மாடு மேய்த்துவிட்டு வருகிறவர்களுக்கும் இந்தத் திண்ணைகள் மிகவும் வசதியாக இருந்தன.