அனுபவம்: இலங்கைச் சுவைக்கு ஓர் உணவகம்

இலங்கைத் தமிழர்கள் மூலம் சொதி, சம்பல், ஆப்பம், இடியாப்பம் போன்ற உணவு வகைகளைப் பற்றியும் அவற்றின் சுவை பற்றியும் கேள்விப்பட்டிருந்தாலும் இலங்கை உணவு வகைகளை ருசித்ததில்லை. சென்னையில் பெசன்ட் நகரில் ‘தி கண்டியன்’ என்கிற உணவகத்தில் இலங்கையின் பிரத்யேக உணவு வகைகள் கிடைக்கின்றன என்கிற தகவல் அறிந்ததும் சென்றோம்.

இரவு 8 மணிக்கு மாடியில் அமைந்திருந்த உணவகத்துக்கு இரும்புப் படிக்கட்டுகளில் ஏறி உள்ளே நுழைந்தோம். ஓர் அறையில் 4 பேர் அமரக்கூடிய பெரிய மேஜையும் 2 பேர் அமரக்கூடிய சிறிய மேஜைகள் இரண்டும் இருந்தன. அவற்றில் ஏற்கெனவே ஆள்கள் அமர்ந்து, உணவுக்காகக் காத்திருந்தனர்.