தொழில் புதிது: பாட்டரிகாரி

கண்கவர் வண்ணங் களில், அழகான வடிவங்களில் மேசைப் பொருள்கள், விளக்குகள், தட்டுகள், கோப்பைகளை நீங்களே தயாரிக்கலாம் என்றால் நம்ப முடிகிறதா? முடியும் என்கிறார் செராமிக் பாண்டங்களை உருவாக்கும் ரெசினா. தொழில்முறை மண்பாண்டம் தயாரிக்கும் முறையிலிருந்து சற்று வேறுபடுகிறது ‘ஸ்டுடியோ பாட்டரி’ முறை.

சென்னையைச் சேர்ந்த ரெசினா பொறியியல் முடித்தவர். கலை, கைவினைப் பொருள்கள் தயாரிப்பதில் கொண்ட ஆர்வத்தால், மென்பொருள் வேலையைச் செய்துகொண்டே மண்பாண்டங்கள் தயாரிப்பு குறித்த படிப்பில் தேர்ச்சி பெற்றிருக்கிறார்.