காதல் மாதம்: காதல் கவிதையும் ஒரு செட் பரோட்டாவும்

‘நினைவோ ஒரு பறவை விரிக்கும் அதன் சிறகை...’ என்கிற ‘சிகப்பு ரோஜாக்கள்’ படப் பாடலைக் கேட்கும்போது படபடக்கும் அந்தப் பெண் திரைக்கலைஞரின் இமைகளோடு சேர்த்து ஓராயிரம் நினைவுச் சிறகுகளின் ஓசை மனதிற்குள் கேட்கும். அவற்றில் ஒன்று பள்ளிப் பருவம்.

தாயின் கருப்பைக்குள் இருந்த வெதுவெதுப்பை இரண்டு இடங்களில் என் மனம் கண்டடையும். பூமியின் முதல் காற்றைச் சுவாசித்த என் ஊருக்குள் நுழைகிற போதும், பள்ளி வளாகத்திற்குள் நுழைகிற போதும் ஏற்படுகிற சுகமே அலாதியானது.