சாகசப் பயணம்: இறக்கை இன்றிப் பறக்கலாம்!

இந்தியாவில் சுமார் 16 பாராகிளைடிங் தளங்கள் இருக்கின்றன. அவற்றில் ஒன்று இமாச்சல பிரதேசத்தில் இருக்கும் பிர் பில்லிங். இது ஆசியாவிலேயே அதிக உயரமானது. பிர் கிராமத்தில் இருந்து 14 கி.மீ. தொலைவில் இருக்கிறது பில்லிங். எட்டாயிரம் அடி உயரத்தில் இருக்கும் பில்லிங்கில் இருந்து ஐந்தாயிரம் அடி உயரத்தில் இருக்கும் பிர் கிராமத்துக்கு பாராகிளைடர் மூலம் பறந்து தரை இறங்கலாம். சென்னையில் இது போன்ற சாகச விளையாட்டுகளுக்காகவே சில சுற்றுலா நிறுவனங்கள் இயங்கிவருகின்றன. நாங்கள் ‘டென்ட் அண்ட் ட்ரெக்’ நிறுவனம் மூலம் டெல்லி வரை விமானத்திலும் அங்கிருந்து இமாச்சலுக்குச் சாலை வழியாகவும் பயணித்தோம்.