திண்ணைப் பேச்சு 15: வானத்தை வாசிக்கும் மாணவர்கள்!

தமிழ்நாடு அரசு ஓசைப்படாமல் ஒரு சாதனையை நிகழ்த்தியிருக்கிறது. விக்ரம் விண்கலம் நிலவில் தரையிறங்கிச் சாதனை படைத்திருக்கும் இத்தருணத்தில் தமிழ்நாடு அரசின் இச்செயல் பாராட்டுக்குரியதாகிறது.

2023 ஜனவரியில் தஞ்சாவூர் மாவட்டம் மேலஉளூர் என்கிற குக்கிராமத்தில் உள்ள அரசு மேல்நிலைப் பள்ளியில் நான்கு லட்சம் ரூபாய் மதிப்பீட்டில் வானியல் ஆய்வரங்கு ஒன்று நிறுவப்பட்டுள்ளது. தமிழ்நாட்டிலேயே இத்தகைய வானியல் ஆய்வரங்கு செயல்படும் முதல் அரசுப் பள்ளி இதுதான்!