இந்தியாவும் கச்சா எண்ணெய் இறக்குமதியும்

என்ன: கடந்த ஓராண்டில் இந்தியாவின் கச்சா எண்ணெய் இறக்குமதியில் பெரிய மாற்றம் நிகழ்ந்துள்ளது. இந்தியா அதன் கச்சா எண்ணெய் தேவையில் 85 சதவீதம் வெளிநாடுகளிலிருந்து இறக்குமதி செய்கிறது. சவூதி அரேபியா, ஈராக், அமெரிக்கா, ஐக்கிய அரபு அமீரகம் ஆகிய நாடுகள் இந்தியாவுக்கு கச்சா எண்ணெய் ஏற்றுமதி செய்வதில் முன்னிலையில் இருந்தன. தற்போது அந்நாடுகளைப் பின்னுக்குத் தள்ளி ரஷ்யா முதலிடம் பிடித்துள்ளது.

அதனால்: சென்ற ஆண்டு பிப்ரவரி நிலவரப்படி, ரஷ்யாவிடமிருந்து இந்தியாவின் கச்சா எண்ணெய் இறக்குமதி வெறும் 2 சதவீதமாக இருந்தது. ஆனால், இப்போது அது 35 சதவீதமாக உயர்ந்துள்ளது.