உங்கள் சேமிப்பு பாதுகாப்பாக இருக்கிறதா?

தற்போது சின்னச் சின்ன நிறுவனங்கள்கூட மக்களுக்காக சேமிப்புத் திட்டங்களை அறிமுகம் செய்வது ஒரு டிரண்டாக மாறி உள்ளது. இலவசசுற்றுலா போன்ற பரிசு திட்ட அறிவிப்புகளை நாம் தொடர்ச்சியாக பார்த்து வருகிறோம். பரிசு பெறச் செல்லும் இடத்தில்தான் அந்தத் திட்டத்தைப் பற்றி விளக்குவார்கள்.

ரூ.75,000 செலுத்தினால், 5 வருடங்களுக்கு, இந்தியா முழுக்க சுற்றுலாசெல்ல ஹோட்டலில் இருந்து விமானடிக்கெட் வரை அனைத்தையும் நிறுவனமே பார்த்துக் கொள்ளும் என்பர்.அத்திட்டத்தில் இணைந்து பணம் செலுத்திவிட்டு, ஒப்பந்தத்திலும் கையெழுத்திட்ட பிறகு அந்நிறுவனத்தைதொடர்புகொள்ள முயன்றால் அனைத்துதொலைபேசி எண்களும் அணைக்கப்பட்டிருக்கும். இப்படி சுற்றுலா சேமிப்புத் திட்ட மோசடியில் ஏமாந்தோர் பலர்.