இந்தியா 75: இந்திய சில்லரை வணிகம்

இன்றைக்கு சில்லரை வணிகத்தில் இருக்கும் போட்டியில் கடுகளவுகூட நம் நாடு சுதந்திரமடைந்த சமயத்தில் இருந்ததில்லை. இந்திய சில்லரை வணிகத்தின் மதிப்பு இன்றைக்கு ரூ.72 லட்சம் கோடியாகும். இந்தத் துறையில் ‘அண்ணாச்சிக் கடைகள்’, ‘கிராணா' (kirana), ‘மாம் & பாப்' (mom & pop) என பல பெயர்களில் அழைக்கப்படும் பாரம்பரியமான பலசரக்குக் கடைகளும், மாடர்ன் ரீடெயில் என அறியப்படுகிற சூப்பர் மார்க்கெட்டுகள், வணிக வளாகங்கள் மற்றும் இணையதளம் மூலம் விற்பனை செய்யும் ஆன்லைன் கடைகளும் அடங்கும்.

சில்லரை வணிகத்தில் 80 சதவீத விற்பனை பலசரக்குக் கடைகள் மூலமும், 15 சதவீதம் சூப்பர் மார்க்கெட்டுகள் மூலமும் மீதமுள்ள 5 சதவீதம் ஆன்லைன் மூலம் நடைபெற்று வருகிறது. பெருந்தொற்று காலத்திலும் அதற்குப் பிறகும் ஆன்லைன் மூலமான வர்த்தகத்தின் வளர்ச்சி அதிகமாகியிருக்கிறது.